Novyja padychody ŭ azielanieńni? Minčuki burna abmiarkoŭvajuć kłumby kala minskaj «Halerei»
U hetym siezonie minčuki zaŭvažyli, što horad stali azielaniać nie tak, jak raniej. Zamiest zvykłych dakładna vysadžanych aksamitak na kłumbach pačali zaŭvažać raznatraŭje, jakoje vyhladaje bolš stychijna, ale ŭ toj ža čas stylna. A vam jak?
Minčuki ŭ mierkavańniach padzialilisia: abmierkavańnie novych kłumbaŭ u Threads tolki pad adnym dopisam raściahnułasia bolš čym na 600 kamientaryjaŭ. Na ich źviarnuŭ vahu Realt, jaki i razhledzieŭ padrabiaźniej kłumby kala handlovaha centra «Halereja» i kinateatra «Maskva».
Kłumby kala «Halerei» vyhladajuć sapraŭdy inakš: trendavaje raznatraŭje vyhladaje naturalna i pryciahvaje pozirk. Bolšaść kamientataraŭ adznačyli, što takoje azielanieńnie hladzicca stylna i sučasna. Ale jość i tyja, chto nie zrazumieŭ takoha padychodu.
Trend z takimi kłumbami pryjšoŭ da nas u apošnija hady. Raznatraŭje nie tolki pryhoža vyhladaje, ale maje i inšyja plusy, kažuć fłarysty. Naprykład, heta dobra dla ekałohii, bo tak pasadžanyja raśliny pryciahvajuć nasiakomych i mohuć lahčej pieranosić zachvorvańni, kali paraŭnoŭvać z vysadžanymi monakulturami.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary