U škole ŭ «Minsk-Śviet» źjaviłasia kletka jak u bajach biez pravił. Čynoŭniki rastłumačyli, što heta takoje
U dvary novaj škoły z čyhunačnym uchiłam zaŭvažyli dziŭnuju placoŭku. Ale vyśvietliłasia, što bicca paśla ŭrokaŭ školnikam usio ž nie dazvolać.
Na dvary novaj škoły №227 u «Minsk-Śviet» zaŭvažyli dziŭnuju placoŭku z kletkaj. Jana nahadvaje aktahon — rynh dla bajoŭ u źmiašanych adzinaborstvach. Tolki tut usio jašče bolš žorstka: mata na padłozie niama, tolki prahumavanaje pakryćcio.
Miascovyja žychary žartam prapanavali, što padletkam u škole z čyhunačnym uchiłam dazvolać vypuskać paru paśla zaniatkaŭ. Ale čynoŭniki paśpiašalisia rastłumačyć, što heta ni ŭ jakim razie nie rynh.
Oktahon na tierritorii škoły )))
Akazałasia, dla školnikaŭ zrabili placoŭku dla hulni ŭ urbanboł. Heta raznavidnaść mini-futboła ŭ vaśmikutnym błoku. U hety urbanboł mohuć adnačasova hulać ad dvuch da šaści čałaviek. Ački naličvajuć nie tolki za zvyčajnyja hały, ale i za kidańnie miača pamiž nahami sapiernika.
Možna na takoj placoŭcy hulać u panu — heta varyjant u farmacie adzin na adzin. Hałoŭnaja meta hetaj hulni — jakraz prakinuć miač pamiž nahami sapiernika.
U novaj škole, jakaja voś-voś adkryjecca, davoli vialiki stadyjon. Tam jość placoŭki dla baskietboła i valejboła, futbolnaje pole z naturalnym hazonam i trybunami, a taksama trenažory.
Ciapier čytajuć
Łukašenka choča pastavić na «Pałanezy» jadziernyja bojehałoŭki14
Łukašenka choča pastavić na «Pałanezy» jadziernyja bojehałoŭki
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary