Na adkryćci Pieršaha nacyjanalnaha handlovaha doma ŭ Minsku 29 śniežnia Łukašenka siarod inšaha zakranuŭ pytańnie skarhaŭ hramadzian na kampaniju-zabudoŭščyka «Dana Astra», i jahony ton byŭ rezki.
Zasłuchoŭvajučy dakład staršyni Minharvykankama Uładzimira Kucharava adnosna hatoŭnaści čarhi budaŭnictva z kvaterami, Łukašenka skazaŭ:
«Darečy, pajšli skarhi na «Dana Astra». Vy raźbiaryciesia, čamu ludzi skardziacca».
Na repliku, što z kampanijaj užo pracujuć, kab vyjaŭlenyja niedachopy byli likvidavanyja, jon adkazaŭ:
«Chaj pierarablajuć usio. Bo adkažuć tak, jak adkazvajuć usie ŭ Biełarusi. Pryjšli pracavać u Biełaruś — chaj pracujuć, jak treba. Kab na ich ludzi nie kryŭdzilisia. Treba ŭvažliva pahladzieć za hetymi budaŭnikami».
Kampanija «Dana Astra» naležyć sierbskim biznesmienam bratam Karyčam, viadomym svajoj blizkaściu da Łukašenki i jahonaj siamji. Raniej jana atrymlivała vyhadnyja kantrakty ŭ Biełarusi ŭ budaŭničaj śfiery i za aktyŭnaje supracoŭnictva z režymam patrapiła pad zachodnija sankcyi.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary