Rabotnikaŭ dziaržpradpryjemstvaŭ abaviazvajuć niepasredna pieraličvać hrošy na Biełaruski Čyrvony Kryž
Na pradpryjemstvy dziaržaŭnaha siektara Homielskaj vobłaści pastupili instrukcyi ab ustupleńni rabotnikaŭ u členy rehularnych sponsaraŭ Biełaruskaha tavarystva Čyrvonaha Kryža (BKK) — jany abaviazanyja štohod rabić adličeńni z zarobku ŭ fond arhanizacyi, piša «Fłahštok».
Jak daviedaŭsia «Fłahštok», heta adbyłosia paśla taho, jak BKK razasłaŭ listy ŭ abłvykankamy z prośbaj akazać jamu sponsarskuju dapamohu. Abłasnyja ž ułady dali harvykankamam ustanoŭku «pryniać miery» pa vydzialeńni finansavych srodkaŭ, a haradskija spuścili jaje nižej, na arhanizacyi i pradpryjemstvy, patłumačyła krynica, źviazanaja ź dziaržsiektaram.
Sutnaść novaŭviadzieńnia ŭ tym, što raniej srodki dla BKK «dobraachvotna-prymusova» spahaniali z samich pradpryjemstvaŭ i arhanizacyj, a ciapier — niepasredna z rabotnikaŭ. Pry hetym sumy vyznačajucca kankretnyja dla kožnaha pradpryjemstva. Kiraŭnictva pavinna padzialić hetuju sumu na supracoŭnikaŭ.
U 2023 hodzie Mižnarodnaja fiederacyja tavarystvaŭ Čyrvonaha Kryža i Čyrvonaha Paŭmiesiaca prypyniła siabroŭstva ŭ arhanizacyi Biełaruskaha tavarystva Čyrvonaha Kryža, a hienieralny sakratar fiederacyi pryznaŭ udzieł BKK u departacyi ŭkrainskich dziaciej z akupavanych Rasijaj rehijonaŭ Ukrainy ŭ Biełaruś.
U samim BKK takuju dziejnaść nazyvajuć «dapamohaj dzieciam Danbasa». Dziaciej z akupavanych rehijonaŭ pryvoziać u biełaruskija sanatoryi.
Kiraŭnik biełaruskaha Čyrvonaha kryža Šaŭcoŭ: Skažu jak doktar, homaseksualizm — heta chvaroba
«Pieravychoŭvajuć i militaryzujuć». Dla suda ŭ Haazie padrychtavali dakład pra toje, chto i jak vyvozić ukrainskich dziaciej u Biełaruś
Rasijski Čyrvony Kryž patrabavaŭ ad Šaŭcova i kampanii ŭzhadniać pajezdki na akupavany Danbas
Łukašenkaŭski Čyrvony Kryž siadzie na šyju biełaruskim miedykam
Biełaruski Čyrvony Kryž hatovy zabrać sabie drony, jakija nie dazvalajuć mieć biełarusam
Alaksiej Tałaj staŭ hanarovym siabram Biełaruskaha Čyrvonaha Kryža
Kamientary