Hramadstva11

Rasijski Čyrvony Kryž patrabavaŭ ad Šaŭcova i kampanii ŭzhadniać pajezdki na akupavany Danbas

U liście da Biełaruskaha Čyrvonaha Kryža staršynia rasijskaha Čyrvonaha Kryža Pavieł Saŭčuk vykazvaje zaniepakojenaść praz «zhadki ŭ ŚMI, u tym liku, u niehatyŭnym klučy, pra vizit kiraŭnictva BČK na terytoryju Danbasa».

Dźmitryj Šaŭcoŭ ź litaraj Z na rukavie padčas «humanitarnaj» pajezdki na Danbas

Žurnalisty Radyjo Svaboda atrymali ad «Kibierpartyzan» źviestki z paštovaj skryni Biełaruskaha tavarystva Čyrvonaha Kryža. Tam byŭ list, jaki rasiejski Čyrvony Kryž nakiravaŭ Dźmitryju Šaŭcovu paśla jahonaj pajezdki na Danbas letam 2023 hodu, z patrabavańniem uzhadniać takija pajezdki.

Padčas pracy nad rasśledavańniem pra vyvaz ukrainskich dziaciej na «pieravychavańnie» ŭ Biełaruś žurnalisty Svabody znajšli ŭ źlivie dakumientaŭ z paštovaj skryni Biełaruskaha tavarystva Čyrvonaha Kryža (BČK) list na adras kiraŭnika biełaruskaj arhanizacyi Dźmitryja Šaŭcova ad rasiejskich kalehaŭ. List datavany 24 lipienia 2023 hodu — jakraz napiaredadni Šaŭcoŭ naviedaŭ akupavanuju terytoryju Danieckaj vobłaści i mienavita tady nadzieŭ kamuflaž ź litaraj Z na rukavie.

U liście da BČK staršynia rasijskaha Čyrvonaha Kryža Pavieł Saŭčuk vykazvaje zaniepakojenaść praz «zhadki ŭ ŚMI, u tym liku, u niehatyŭnym klučy, pra vizit kiraŭnictva BČK na terytoryju Danbasa».

«Uličvajučy šyroki hramadski rezanans, chacieŭ by paćvierdzić nieabchodnaść svoječasovaha ŭzhadnieńnia takich vizitaŭ z RČK.

Zhodna z zakanadaŭstvam Rasiejskaj Fiederacyi terytoryi Danbasa, Chiersonskaj i Zaparožskaj abłaściej źjaŭlajucca častkaj Rasii. Hruntujučysia na pryncypie adzinstva, BČK, jak i inšym nacyjanalnym tavarystvam, pry płanavańni humanitarnych misij na rasiejskich terytoryjach treba atrymlivać na heta zhodu ŭ RČK», havorycca ŭ liście.

U vypadku mahčymych mier u adnosinach Biełaruskaha Čyrvonaha Kryža na mižnarodnym uzroŭni Pavieł Saŭčuk prapanavaŭ «ekśpiertna-kansultatyŭnuju dapamohu».

U źlitych z paštovaj skryni Biełaruskaha tavarystva Čyrvonaha Kryža danych, atrymanych «Kibierpartyzanami», — spravazdačy pa vydatkach, śpisy supracoŭnikaŭ z telefonami i adrasami, pierapiska pamiž adździaleńniami ŭnutry Biełarusi, kopii dakumientaŭ i h.d.

Ich praŭdzivaść paćvierdziŭ Svabodzie ŭ tym liku i były ambasadar Ukrainy ŭ Biełarusi Ihar Kizim. U 2022 hodzie jon dasyłaŭ u BČK zapyt z prośbaj dać infarmacyju pra hramadzian Ukrainy, jakim dapamahaje arhanizacyja. Žurnalisty Svabody znajšli hety zapyt siarod listoŭ BČK, i Kizim paćvierdziŭ jaho sapraŭdnaść.

Što da lista RČK biełaruskim kaleham, to metadanyja fajła kažuć pra toje, što dakumient byŭ składzieny ŭ paniadziełak, 24 lipienia 2023 hoda — u dzień, jaki supadaje z dataj, paznačanaj na samim dakumiencie.

U rasiejskim Čyrvonym Kryžy žurnalistam Svabody nie paćvierdzili i nie abvierhli infarmacyju pra list Saŭčuka Šaŭcovu. Dyrektarka departamienta pa mižnarodnym supracoŭnictvie Anastasija Teneta, čyjo imia i numar telefona jak kantaktnaj asoby paznačanyja ŭ liście Saŭčuka da BČK, adkazała nastupnaje: «Heta ŭnutranaja pierapiska. […] Dziŭna, što jaki-niebudź list moža vyciečy ŭ publičnuju prastoru. Značyć, vy ŭsio majecie pa hetym liście».

U pres-słužbie RČK paviedamili, što apošni raz uzajemadziejańnie ź biełaruskimi kalehami było letam minułaha hoda — «z nahody treninhaŭ pa nadzvyčajnych situacyjach».

Kamientary1

  • daviedka
    01.03.2024
    Šievcova ponimajet tolko hrodnienskaja lubovnica, kohda on bieriot jej s soboj v komandirovku na otdych v Turciju.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kiraŭnik Lidy zaklikaŭ siłavikoŭ nie spyniać palityčnych represij26

Kiraŭnik Lidy zaklikaŭ siłavikoŭ nie spyniać palityčnych represij

Usie naviny →
Usie naviny

U MNS raspaviali pra nastupstvy ŭčorašniaj niepahadzi: paškodžańni, padtapleńni, pavalenyja drevy1

Pad Minskam učora bačyli śmierč

Čas dla vialikaha nastupu Rasii: jakimi mohuć być «apošnija 50 dzion vajny»3

Aŭtobus Minsk — Vilnia źjechaŭ u kiuviet u Vałožynskim rajonie

Dla haradžan — pieramoha, dla viaskoŭcaŭ — trahiedyja. Što pakazała dziaržaŭnaje apytańnie pra Druhuju suśvietnuju vajnu24

Achova i dziasiatki ludziej u kamandzie: za što žyvie Ofis Cichanoŭskaj u Vilni?44

Užo ŭ adzinaccać hadoŭ? Va ŭsim śviecie ŭzrost pačatku pieršych miesiačnych praciahvaje maładzieć7

Šmatdzietnaja amierykanskaja siamja ŭciakła ŭ Rasiju ad «ŁHBT-prapahandy». Muž užo trapiŭ na vajnu18

«Takoha jašče nie było». Adbyłasia masiravanaja ataka na Kryvy Roh, Vińnicu, Charkaŭ3

bolš čytanych navin
bolš łajkanych navin

Kiraŭnik Lidy zaklikaŭ siłavikoŭ nie spyniać palityčnych represij26

Kiraŭnik Lidy zaklikaŭ siłavikoŭ nie spyniać palityčnych represij

Hałoŭnaje
Usie naviny →

Zaŭvaha:

 

 

 

 

Zakryć Paviedamić