Ukrainskaja raźviedka: Biełaruś nie choča pakryvać rasijski paliŭny deficyt
U Rasii ciapier adznačajecca paliŭny kryzis: z-za vyvadu ŭkrainskimi dronami sa stroju niekatorych NPZ nie chapaje bienzinu, z-za čaho ŭ niekatorych rehijonach uvodziać tałonnuju sistemu. Aptovyja ceny z pačatku žniŭnia padnialisia na 8 % i navat zabarona ekspartu paliva nie dapamahła stabilizavać situacyju.
Biełaruś, jakaja mahła b častkova pakryć deficyt, nie śpiašajecca naroščvać pastaŭki, paviedamlaje Słužba źniešniaj raźviedki Ukrainy. Pa-pieršaje, jaje NPZ majuć abmiežavanyja mahutnaści: u hod vyrablajecca kala 3—4 miljonaŭ ton bienzinu, ź jakich pałova idzie na ŭnutranyja patreby, a Rasija tolki za miesiac spažyvaje kala 3 miljonaŭ ton.
Pa-druhoje, ekanamična Minsku vyhadniej pradavać paliva na inšyja rynki — u Kitaj, Indyju ci Afryku, dzie ceny značna vyšejšyja ($1 300 — 1 900 za tonu), u toj čas jak u Rasii prapanujuć mienš za $1000. U vyniku navat padčas kryzisu ŭ 2024 hodzie Biełaruś pastaviła ŭ Rasiju ŭsiaho 3 tysiačy ton bienzinu, što składaje tolki 0,1 % jaje miesiačnaj patreby.
Na hety momant sutyknulisia ź niedachopam bienzinu jak minimum try rehijony Rasii i anieksavany Krym: pa tałonach pačali pradavać paliva na AZS Kryma i Zabajkalla, u Prymorji da zapravak stali vystrojvacca šmathadzinnyja čerhi, a na Kurylskich astravach prodaž bienzinu ŭ paniadziełak prypynili zusim.
MZS Słavakii pryhraziła, što praz udary pa naftapravodzie «Družba» paciarpić sama Ukraina
U Rastoŭskaj vobłaści bujny NPZ, padpaleny ŭkrainskim bieśpiłotnikam, haryć užo čaćviorty dzień
USU ŭdaryli pa ciahniku z palivam u akupavanaj Zaparožskaj vobłaści
Paśla atak ukrainskich dronaŭ spynili pracu dva bujnyja rasijskija NPZ
Kamientary
Prichoditsia vsiu, svoju niefť brosať na pierierabotku dla anutrieńnich nužd.