U Biełarusi zachvorvańnie na vostryja reśpiratornyja infiekcyi (VRI) znachodzicca na nizkim uzroŭni, paviedamili ŭ Ministerstvie achovy zdaroŭja.
U struktury VRI vyjaŭlajucca niehrypoznyja reśpiratornyja virusy: parahryp, adenavirusy, rynaovirusy, RS-virusy, siezonnyja karanavirusy, mietapnieŭmavirusy i h.d.
U toj ža čas śpiecyjalisty papiaredžvajuć, što z nadychodam vosieni čakajecca zakanamierny rost zachvorvańniaŭ
Jon budzie źviazany ź źmienaj umoŭ nadvorja i z pačatkam navučalnaha pracesu va ŭstanovach adukacyi.
U Minzdaroŭi prahnazujuć: siezon zachvorvalnaści na VRI, hryp i COVID-19 pačniecca ŭ kastryčniku. A pik rostu možna čakać u kancy studzienia — lutym 2026 hoda.
Adznačym, što statystyka pa kavidzie nie ahučvajecca ŭžo ź leta 2022 hoda.
Kišečnyja infiekcyi
Tradycyjna ŭ kancy leta i pačatku vosieni adbyvajecca rost zachvorvalnaści na vostryja kišečnyja infiekcyi.
U Minzdaroŭi adznačyli, što pakul nazirajecca niaznačny (na 22%) pryrost infiekcyj, vyklikanych virusami (naravirusy, rotavirusy, enteravirusy i h.d.).
U asnoŭnym heta źviazana ź viartańniem dziaciej z adpačynku z takich krain, jak Turcyja, Jehipiet.
Miedyki nahadvajuć pra toje, što nieabchodna staranna myć harodninu i sadavinu, a taksama vykonvać praviły asabistaj hihijeny.
A što ž COVID-19?
U hetym siezonie rehistrujecca nizki ŭzrovień zachvorvalnaści na karanavirus, raspaviali ŭ Minzdaroŭi.
Tam taksama adznačyli, što hety virus, jak i luby inšy, praciahvaje evalucyjanavać, nabyvaje svaje asablivyja ŭłaścivaści.
Nie tak daŭno byŭ vyjaŭleny novy varyjant karanavirusa «Stratus» — naščadak varyjanta «Amikron».
Jon adroźnivajecca vysokaj zaraznaściu, ale nie vyklikaje ciažejšaha ciačeńnia chvaroby ŭ paraŭnańni z papiarednimi varyjantami.
Charakternaja prykmieta zachvorvańnia — źmianieńnie hołasu, chrypłaść abo asipłaść.
U našaj krainie novy štam virusa XFG Stratus nie vyjaŭleny.
Ciapier čytajuć
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika10
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia79
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie33
Kamientary
A faktyčna ŭ lakarniach letam pałaty i kalidory poŭnyja chvorych pnieŭmanijaj. Simptomy i nastupstvy blizkija da COVID-19, ale testy na jaho daŭno nie robiać.
Ludzi ž z-za miažy jeździać.