Palitźniavolenuju, jakuju sudzili z bratam Łatuški, nie vypuścili pa zakančeńni terminu. Zaviali novuju kryminałku
Niekalki dzion tamu Alena Malinoŭskaja musiła vyjści na volu paśla amal 4 hadoŭ za kratami. Ale žančynu prosta z kałonii pieravieźli pad vartu ŭ Minsk.
Alenu Malinoŭskuju zatrymali 31 studzienia 2022 hoda i asudzili ŭ vieraśni taho ž hoda. Žančyna prachodziła pa adnoj spravie ź jašče dvuma palitźniavolenymi — Lilijaj Ananian i Anatolem Łatuškam, stryječnym bratam palityka Paŭła Łatuški.
Alena atrymała 4 hady kałonii pa č.2 artykuła 339 («chulihanstva») i artykule 370 («ździek ź dziaržaŭnych simvałaŭ») Kryminalnaha kodeksa. Žančynu abvinavacili ŭ tym, što jana malavała ŭ padjezdach praz trafarety hierb «Pahonia» i spaliła dziaržaŭny ściah.
Niekalki dzion tamu Alena musiła vyjści na volu, ale jaje tak i nie vypuścili. Jak raskazali «Našaj Nivie» siabry Aleny, žančynu pieravieźli ŭ Minsk, dzie zaviali na jaje novuju kryminalnuju spravu, u hety raz pa artykule 342 — vierahodna, pa abvinavačvańni va ŭdziele ŭ pratestach.
Ciapier žančyna znachodzicca pad vartaj.
«Naša Niva» — bastyjon biełaruščyny
PADTRYMAĆ
Kamientary