Pačynajucca zbory terabarony ŭ Maładziečanskim rajonie i Kastryčnickim rajonie Minska
Z 2 vieraśnia pravodziacca płanavyja vučebnyja zbory z vajennaabaviazanymi dla terytaryjalnych vojskaŭ Maładziečanskaha rajona i Kastryčnickaha rajona Minska, paviedamlaje Minabarony.
Meta zboraŭ — pavysić navyki słužbovych asob vykanaŭčych kamitetaŭ u farmiravańni voinskich čaściej terytaryjalnych vojskaŭ, a vajennaabaviazanych — u vykanańni zadač pa pryznačeńni.
Płanujecca pravieści pryjom vajennaabaviazanych terytaryjalnych vojskaŭ i ich zabieśpiačeńnie z zadziejničańniem miascovaj bazy mabilizacyjnaha razhortvańnia; adnaŭleńnie navykaŭ kamandnaha składu terytaryjalnych vojskaŭ u kiravańni padnačalenymi; padrychtoŭku vajennaabaviazanych da vykanańnia zadač terytaryjalnaj abarony.
Minabarony paviedamlaje, što aficery, praparščyki, siaržanty i sałdaty pavysiać svaje navyki ŭ taktyčnaj i ahniavoj padrychtoŭcy, vykanajuć praktykavańni pa kiravańni ahniom artyleryi i navučalnyja strelby na palihonach.
Zbory zavieršacca kamandna-štabnym vučeńniem.
Kamientary