«Jašče b barščeŭnik dadała». Dziaŭčyna sabrała dziciaci na liniejku ŭ škołu bukiet palavych kvietak i narvałasia na chejt
Dziaŭčyna pa imieni Maryja vykłała ŭ tyktoku videa, jak dla bukieta nastaŭniku na 1 vieraśnia naźbirała kvietki na poli. Rolik pahladzieli amal 2 młn razoŭ i vielmi emacyjna abmierkavali ŭ kamientarach, zaŭvažyŭ Onliner.
Maryja raskazała, što kvietki pryznačany dla jaje plamieńnika — jon idzie ŭ druhi kłas u novuju škołu. Sama jana pa adukacyi taksama nastaŭnik, i jaje taki farmat bukieta absalutna nie biantežyć.
— Chtości ciapier nazavie mianie žmindaj, ale ja za bazavy minimum, a nie za raskošny maksimum. I addavać 250—300 rubloŭ za bukiet, atrymlivajučy zarobak u 1,5 tysiačy, heta zusim nie metazhodna. Heta nie ličačy taho, što dzicia jašče treba sabrać da škoły, — razvažaje Maryja. — Skažu vam pa sakrecie, jak robiać vykładčyki: bukieciki rubloŭ pa 350-400 jany zabirajuć z saboj, a astatnija — na śmietnik.
Sprečnym akazaŭsia i skład bukieta. Mnohija razhledzieli siarod kvietak sumnik, jaho nazvali niebiaśpiečnym.
«Kali b mnie padaryli viadro travy z sumnikam, ja b nie zmahła adekvatna stavicca da hetaha vučnia. Ja try hady ŭčastak ad jaho ratavała, heta hadaść taja jašče. Užo lepš naohuł biez bukieta, čym takoje «charastvo».
«Tak, sumnik kanadski ŭ bukiet — heta mahutna, jašče b barščeŭnik dadała».
«Sumnik – invaziŭnaja raślina dla RB. Jaho treba vykošvać i źniščać da źjaŭleńnia nasieńnia, a nie ŭ bukiecikach daryć».
«Sumnik — reč mahutnaja, alerhien i źmiaščaje ŭ sabie kuču ŭsiakaj poskudzi typu klaščoŭ, mošak i vusieniaŭ».
Byli prapanovy, jak inakš pavinšavać nastaŭnika:
«Słaniečnik i palavaja trava — heta modna ŭ vuzkich kołach. Ale dla mnohich heta pa-dziciačy, pa-chatniamu. Jość i inšaje rašeńnie — padaryć ścipłuju adnu kvietku i pakavańnie pryhožaje, pryjemnuju kancylaryi. Raschodniki ŭ luboj prafiesii lišnimi dakładna nie buduć».
Ale bolšaść padtrymali aŭtarku videa:
«Mnie zdajecca, ludzi ŭ apošni čas zanadta zacyklilisia na košcie i «maštabnaści» padarunkaŭ. Bukiet palavych kvietak moža vyhladać nie horš, a časam navat lepš za samyja darahija kampazicyi — u im jość naturalnaść, śviežaść i duša. A ŭžo słaniečniki ŭvohule zdolnyja padaryć nastroj sami pa sabie».
«Vielmi dobra, takija bukiety samyja dušeŭnyja!»
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?3
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary
dobaviť
1) dabavić prybavić
2) (skazať ili napisať v dopołnienije) dadać
>nazavie mianie skupiandaj, --- SKNARAJ