Eks-maładafrontaŭca Arcioma Dubskaha pazbavili mižnarodnaj abarony ŭ Polščy i ŭziali pad vartu
Były aktyvist Maładoha Frontu i eks-palitviazień ź Biełarusi Arciom Dubski, jakoha ŭ 2009 hodzie arhanizacyja Amnesty International pryznała viaźniem sumleńnia ŭ miežach «Pracesu 14-ci», straciŭ mižnarodnuju abaronu ŭ Polščy. Jamu taksama admianili dazvoł na pastajannaje žycharstva i abaviazali pakinuć krainu. Ciapier jon znachodzicca pad vartaj, daviedaŭsia Most.
Arciom Dubski atrymaŭ abaronu ŭ Polščy ŭ 2011 hodzie, žyŭ u Ščecinie i Varšavie. Adnak, niahledziačy na status, nieadnarazova naviedvaŭ Biełaruś i Rasiju. U 2022 hodzie jaho zatrymlivali ŭ Asipovičach, u tym ža hodzie jon pierajechaŭ u Rasiju. U 2025-m jaho tam zatrymali — u Varoniežy paśla kanfliktu ŭ punkcie vydačy zakazaŭ. Zaśviaciŭsia jon taksama ŭ prapahandysckich materyjałach biełaruskaha režymu.
U Polščy ŭ Dubskaha taksama byli prablemy z zakonam: jaho sudzili za abraźlivyja vykazvańni suprać ukraincaŭ i prysudzili da abmiežavańnia voli z hramadskimi pracami. U krasaviku 2025 hoda jaho zatrymali na pamiežnym pierachodzie ŭ Tarespali za nievykanańnie rašeńnia suda.
Pazbaŭleńnie mižnarodnaj abarony adbyłosia jašče ŭ žniŭni 2024 hoda — pavodle zapytu kiraŭnika Ahientstva ŭnutranaj biaśpieki Polščy.
Eks-maładafrontaŭca Dubskaha schapili ŭ Varoniežy i nibyta chacieli adpravić na vajnu. A potym jon uspłyŭ u prapahandystaŭ
Dubski daŭ intervju prapahandystam: Łukašenka nie taki i kiepski, a brat siadzić, bo «mazhi ź jazykom suviaź nie znajšli»
Biełarusa Arcioma Dubskaha buduć sudzić u Polščy
Byłoha maładafrontaŭca spačatku dapytvali siłaviki ŭ Minsku, a ciapier BT zastupajecca za jaho ŭ siužetach
Byłoha maładafrontaŭca ŭ Varšavie vinavaciać u pracy na Rasiju. Sam jon śćviardžaje, što «vykazvaje mierkavańnie»
Kamientary