Dubski daŭ intervju prapahandystam: Łukašenka nie taki i kiepski, a brat siadzić, bo «mazhi ź jazykom suviaź nie znajšli»
Były maładafrontaviec Arciom Dubski abzyvaŭ ukraincaŭ banderaŭcami, zastupaŭsia za Rasiju ŭ vajnie. Ciapier ža źjechaŭ z Polščy, dzie žyŭ apošnija 10 hod, i daŭ intervju BiełTA — z revieransami ŭ bok łukašenkaŭskaha režymu.
U Biełaruś Dubski, praŭda, nie viarnuŭsia, adnak vyjechaŭ za miežy Jeŭrasajuza.
Vyjechaŭ na ŭsiaki vypadak, bo suprać jaho zaviali kryminalnuju spravu — za publičnuju abrazu ŭkrainskich uciekačoŭ.
U intervju były maładafrontaviec skardziŭsia na darahoje žyćcio ŭ Polščy, na ŭkrainskich uciekačoŭ, apazicyjnych palitykaŭ i niezaležnyja ŚMI. Apošnija, pa mierkavańni Dubskaha, pierakručvajuć jaho słovy — nie toje, što łukašenkaŭskija miedyja.
«Kali hutaryš z Ksienijaj Lebiedzievaj, ludźmi z «Minskaj praŭdy» ci z vami, vy chacia b razumiejecie, pra što razmova», — zrabiŭ jon revierans u bok prapahandy.
A paśla pachvaliŭ Łukašenku.
«Tak atrymlivajecca, što ciapier jaho kurs našmat bolš prabiełaruski — praściej kažučy, kab bomby nie padali, niachaj tam ludzi atrymlivajuć 500 dalaraŭ, ale žyvuć u cišyni i spakoi», — skazaŭ jon, paraŭnoŭvajučy Łukašenku z apazicyjaj.
Brat Dubskaha Illa ciapier za kratami i pryznany palitviaźniem.
«Siadzić za toje, što mazhi ź jazykom suviaź nie znajšli, ja jamu heta i ŭ vočy mahu paŭtaryć. Kali koratka, kroŭ maładaja, padumać nie padumaŭ, pačaŭ u hałasavy čat pahražać siłavikam. Ale vielmi mocna chłopiec ździviŭsia, kali da jaho pa adrasie rehistracyi pryjšli», — prakamientavaŭ Arciom toje, za što jaho brata na 5 hod adpravili ŭ kałoniju.
Jon skazaŭ, što naratyvy Kramla i łukašenkaŭskaj prapahandy (nie budziem usio pierakazvać) tranśluje, bo jany supadajuć ź jaho pohladami.
Kali ŭ Polščy sud prymie nie jaho bok, to Dubski tudy viartacca nie budzie. Razhladaje Sierbiju jak varyjant. I navat nie suprać Rasii.
«Ja mocna pieražyvać nie budu, kali mnie daviadziecca źmianić kod +48 na +7. Naohuł płakać nie budu nivodnaha dnia».
Byłoha maładafrontaŭca spačatku dapytvali siłaviki ŭ Minsku, a ciapier BT zastupajecca za jaho ŭ siužetach
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary