Troje kurdaŭ viarnulisia na radzimu paśla vaśmi miesiacaŭ u turmie Biełarusi
Troje maładych ludziej z Kurdystana viernucca na radzimu paśla amal vaśmi miesiacaŭ utrymańnia pad vartaj u Biełarusi. Pra heta ahienctvu Rudaw u sieradu paviedamiŭ člen kamiteta pa źniešnich suviaziach parłamienta Iraka Mutana Amin na fonie praciahłych namahańniaŭ pa repatryjacyi mihrantaŭ, što zatrymalisia za miažoj, paviedamlaje Reform.news.
Deputat raspavioŭ, što troje maładych ludziej mielisia viarnucca ŭ rehijon Kurdystan praź mižnarodny aeraport Erbila (stalica aŭtanomnaha rehijona Kurdystan u Iraku) u sieradu a 15:00 pa miascovym časie. Pavodle jaho słoŭ, jany «amal vosiem miesiacaŭ znachodzilisia pad vartaj u Biełarusi», sprabujučy pierabracca ŭ Zachodniuju Jeŭropu.
Nie ŭdakładniajecca, čamu kurdy apynulisia pad vartaj. Sotni mihrantaŭ štodnia bieśpieraškodna šturmujuć miežy ES z terytoryi Biełarusi. Biełaruskija ŭłady nijak hetamu nie pieraškadžajuć.
Z paviedamleńnia vynikaje, što vydatki na pajezdku troch kurdaŭ finansuje ŭrad Kurdskaha rehijona.
Kamientary