Bolšaść zahinułych pry krušeńni funikulora ŭ Lisabonie — inšaziemcy
U Lisabonie 3 vieraśnia adbyłasia ciažkaja trahiedyja — krušeńnie turystyčnaha funikulora Glória. Usiaho pry hetym zahinuli 16 čałaviek, pryčym 11 ź ich byli inšaziemcami, paviedamlaje Euronews sa spasyłkaj na partuhalskuju palicyju.
Siarod achviar — hramadzianie Vialikabrytanii, Kanady, Paŭdniovaj Karei, ZŠA, Francyi, Šviejcaryi, Ukrainy i Partuhalii. Jašče 21 pasažyr atrymaŭ traŭmy.
Spačatku palicyja paviedamlała taksama pra śmierć hramadzianina Hiermanii, ale paźniej jaho znajšli žyvym u balnicy.
Katastrofa adbyłasia ŭviečary 3 vieraśnia, kali kabina, zapoŭnienaja miascovymi žycharami i turystami, syšła z rejek i ŭrezałasia ŭ dom na krutym pavarocie. Dakładnyja pryčyny trahiedyi pakul nie nazvanyja, ale viadoma, što funikulor byŭ u dobrym techničnym stanie i prachodziŭ rehularnyja ahlady. Apošniaja pravierka adbyłasia za dzieviać hadzin da trahiedyi.
Dziaržaŭnyja i haradskija ŭłady, a taksama transpartnaja kampanija Carris raspačali ŭłasnyja rasśledavańni. Na hety čas spynili pracu jašče try funikulory Lisabona.
Padčas trahiedyi zahinuli i miascovyja žychary, u tym liku supracoŭniki dabračynnaj arhanizacyi i člen prafsajuza transpartnikaŭ. U krainie abvieščany nacyjanalny dzień žałoby, premjer-ministr Łuiš Manteniehru nazvaŭ padzieju «adnoj z najbujniejšych trahiedyj u novaj historyi Partuhalii».
Na miescy katastrofy lisaboncy i turysty pakidajuć kvietki i pasłańni. Mnohija zamiežnyja hości, jakija i sami źbiralisia prajechać na hetym funikulory, pryznajucca, što vielmi ŭražanyja i zasmučanyja tym, što zdaryłasia.
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary