Biełaruskija pradpryjemstvy praciahvajuć vyrablać pryceły i bojeprypasy dla rasijskaj armii
U 2025 hodzie Biełaruś praciahvaje vykonvać abarončyja zakazy Rasii, pastaŭlajučy pryceły i detali dla bojeprypasaŭ. Sankcyi i strata mižnarodnaha imidžu nie spyniajuć biełaruskija pradpryjemstvy, paviedamlaje «Biełpoł».
Pavodle rasśledavańnia «Biełpoł», minskaje pradpryjemstva «Pielenh» praciahvaje maštabna vyrablać pryceły, u tym liku «Sasna-U», i elektronnyja błoki dla ich, jakija vykarystoŭvajucca ŭ sistemie kiravańnia ahniom «Kalina» dla madernizacyi tankaŭ T-72B3, T-80BVM i T-90M. U 2025 hodzie Rasija atrymaje nie mienš za 1180 hetych prycełaŭ i błokaŭ.
Akramia taho, praciahvajecca vypusk kamandzirskich panaramnych prycełaŭ dla rasijskich tankaŭ, kožnaja partyja jakich naličvaje bolš za sotniu adzinak. Usia pradukcyja adpraŭlajecca na vajskovyja zavody Rasii, naprykład, na Vałahodski optyka-miechaničny zavod, jaki ŭvachodzić u chołdynh «Švabie» dziaržaŭnaj karparacyi «Rastech». Pradpryjemstva «Pielenh» aktyŭna raźvivaje vytvorčaść i prycełaŭ, i elektronnych kampanientaŭ, a taksama bieśpierapynna nabiraje novych rabotnikaŭ dla apracoŭki aptyčnych detalaŭ.
Biełaruskaja vajskovaja pramysłovaść taksama pastaŭlaje detali da reaktyŭnych snaradaŭ kalibra 122 mm. 17 lipienia biełaruskaja delehacyja naviedała Tulskuju vobłaść, dzie byŭ padpisany Płan mierapryjemstvaŭ pa raźvićci supracoŭnictva na 2025—2028 hady.
Delehacyju ŭznačalvaŭ pradstaŭnik Dziaržaŭnaha vajskova-pramysłovaha kamiteta Biełarusi Dźmitryj Pantus, a siarod prysutnych byli kiraŭniki pradpryjemstvaŭ «Zavod dakładnaj elektramiechaniki» i «Zavod Lehmaš», jakija adkazvajuć za vytvorčaść detalaŭ i zborku reaktyŭnych snaradaŭ. Vypuščanaja pradukcyja pastaŭlajecca ŭ NVA «SPŁAV» u Tułu, dzie jana ŭklučajecca ŭ vajennuju vytvorčaść.
Źjaviłasia novaje śviedčańnie pabudovy rasijanami sakretnaj jadziernaj bazy ŭ Asipovičach
U Biełaruś z Rasii zavoziać avijabomby i rakiety
Raźviedka Ukrainy: Biełaruskaja armija nie zdolnaja na maštabnyja bajavyja dziejańni
U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju3
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary