Były ministr justycyi Chamienka paprasiŭsia na vychad z Savieta Respubliki. Jon byŭ namieśnikam Kačanavaj
Jaho pasadu ciapier zaniaŭ Uładzisłaŭ Tatarynovič.
Siarhiej Chamienka nie tolki pierastaje być namieśnikam Kačanavaj, ale navat pakidaje Saviet Respubliki ŭvohule. Paviedamlajecca, što heta ŭsio robicca pa jahonaj ułasnaj inicyjatyvie, inšych padrabiaznaściaŭ pakul niama.
U Miniust Siarhiej Chamienka u kastryčniku 2021 hoda trapiŭ bieź nijakaj dla hetaha padrychtoŭki, pakolki da jurysprudencyi da taho času nie mieŭ anijakaha dačynieńnia, a słužyŭ u orhanach unutranych spraŭ. Pierad tym jon uznačalvaŭ Departamient achovy MUS, a sa śniežnia 2019 hoda zajmaŭ pasadu namieśnika ministra ŭnutranych spraŭ.
Vialikich pravavych kampietencyj ad jaho nichto nie patrabavaŭ, asnoŭnaj zadačaj było zabiaśpiačeńnie farmalnaj likvidacyi ŭsich biez razboru struktur hramadzianskaj supolnaści, a z hetym siłavik u kreśle ministra justycyi spraviŭsia bliskuča.
U krasaviku 2024 hoda jaho źniali z pasady kiraŭnika Miniusta i pryznačyli ŭ Saviet Respubliki. Ale pratrymaŭsia jon tut tolki kala paŭtara hoda.
Vypadak, kali člen Savieta pakidaje jaho pa ŭłasnym žadańni, unikalny. Pakul nieviadoma, čym heta tłumačycca i ci sapraŭdy heta nie źviazana ni ź jakim kampramietujučym učynkam.
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary