U Minsku zatrymali «hrupu nacystaŭ». Na videa ŭ asnoŭnym ukrainskaja simvolika
Ministerstva ŭnutranych spraŭ paviedamiła, što 26 vieraśnia ŭ Minsku zatrymali hrupu «prychilnikaŭ nacysckaj i fašysckaj ideałohii». Na videa pakazali dva zatrymańni i adno «pakajannaje» videa, a taksama ŭ asnoŭnym źviazanuju z Ukrainaj simvoliku i rečy, jakija nibyta vykarystoŭvalisia dla «prapahandy hvałtu i nianaviści».
Pačynajecca videa z archiŭnych kadraŭ nacysckaj Hiermanii, paśla pakazvajucca kadry, padpisanyja jak 2022 hod va Ukrainie.
Zatrymanyja mužčyny — koratka stryžanyja, z barodami. Na videa pakazvajuć, jak adzin ź ich vychodzić z majsterni z nacysckim žestam, zatym siłaviki vyciahvajuć jaho z aŭto i prymušajuć źniacca ŭ «pakajannym» videa z ukrainskimi šeŭronami i zatknutym za pojas ukrainskim ściaham. Druhoha zatrymali ŭ kvatery, prymusiŭšy lažać na padłozie.
Padčas pieratrusaŭ kanfiskavali «nacysckuju simvoliku», «ekstremisckuju litaraturu» i rečy dla prapahandy. Siarod inšaha pakazvajucca ŭkrainski ściah, ukrainskija šeŭrony i kubak sa znakam śpiecpadraździaleńnia ukrainskaha padraździaleńnia Kraken, jakoje naležyć da HUR. Simvolika, jakuju možna zaličyć da nacysckaj, pramilhvaje tolki na kadrach z elektronnych pryładaŭ.
Kolkaść zatrymanych pakul nie raskryvajecca, pakazali tolki dvuch čałaviek.
U rasijskaj Iaškar-Ale biełarusa aštrafavali za paviedamleńnie «Słava Ukrainie!» ź imitacyjaj parasiačaha visku
«Milicejskaja dziaržava». Prarasijskaja aktyvistka Mirsalimava skardzicca, što milicyja nie pakidaje jaje ŭ spakoi
«Apantany idejaj revanšu za razhrom nacysckaj Hiermanii». Rasijskija i łukašenkaŭskija ŚMI vybrali novuju cel
Ciapier čytajuć
Stryžak: Ja prosta haŭno, ja lažu na dnie samaj brudnaj kanavy i adtul sprabuju niešta skazać u svaju abaronu20
Kamientary