Małdavanie Biełarusi hałasavali nie tak, jak małdavanie Rasii. Upłyŭ prajeŭrapiejskich nastrojaŭ u biełaruskim hramadstvie?
Niahledziačy na toje, što ŭ Minsk dla hałasavańnia arhanizavana pryvozili hrupy z Rasii, vyniki vybaraŭ pa minskim učastku adroźnivajucca ad rasijskich učastkaŭ.
«Małdavanie prybyvajuć u Minsk z Rasii, kab prahałasavać na parłamienckich vybarach svajoj krainy, — rapartavała dziaržaŭnaje ahienctva BiełTA. — U RF pracujuć tolki 2 učastki dla hałasavańnia, raźmieščanyja ŭ Maskvie, i jany nie dajuć rady kolkaści małdavan, jakija žadajuć prahałasavać na vybarach u parłamient svajoj krainy. Tamu pradstaŭniki małdaŭskaj dyjaspary pryjazdžajuć u Minsk, dzie prahałasavać možna na ŭčastku, adkrytym u ambasadzie Małdovy ŭ Biełarusi».
Paviedamleńnie supravadžałasia fotami, jak ludzi kałonaj iduć pa terytoryi pasolstva.
Ciažka skazać, kolki z 405 čałaviek, jakija prahałasavali ŭ Minsku, byli arhanizavana pryviezienyja z Rasii aŭtobusami i samalotami. Ale źviartaje ŭvahu roźnica ŭ papularnaści partyj.
Na ŭčastkach dla hałasavańnia ŭ Rasii prarasijski «Patryjatyčny błok» nabraŭ 67% hałasoŭ, a prajeŭrapiejskaja Partyja dziejańnia i spraviadlivaści (PAS) — 12%.
A što na ŭčastku dla hałasavańnia ŭ małdaŭskaj ambasadzie ŭ Biełarusi na vulicy Uljanaŭskaj?
Tut za «Patryjatyčny błok» prahałasavali 53% vybarcaŭ, za PAS — 29%.
Z ulikam taho, što vialikuju častku hałasoŭ dali vybarcy, pryviezienyja z Rasii — nie vyklučana, što prapłačanyja, prychilnaści małdavan Biełarusi, mahčyma, nie nastolki dalokija ad pazicyi małdavan Litvy i Łatvii.
U Vilni za «Patryjatyčny błok» addali hałasy 11% vybarcaŭ, za PAS — 67%. U Ryzie za «Patryjatyčny błok» prahałasavali 17% vybarcaŭ, za PAS — 64%.
Nastroi nacyjanalnych dyjaspar šmat u čym padobnyja da nastroju hramadstva ŭ cełym. Tak mały fakt vynikaŭ hałasavańnia małdavan u Minsku čarhovy raz pakazaŭ, što nastroi ŭ Biełarusi adroźnivajucca ad nastrojaŭ u Rasii.
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1010
Kamientary