Na niafarmalnaj sustrečy lidaraŭ Jeŭrasajuza ŭ Kapienhahienie prezident Francyi Emanuel Makron zajaviŭ, što padtrymlivaje pazicyju bielhijskaha premjer-ministra Barta de Vieviera, jaki krytyčna acaniŭ prapanovu Jeŭrakamisii pieraŭtvaryć zamarožanyja hrošy na rasijskich rachunkach u bondy ES i nakiravać ich na biespracentny kredyt Ukrainie. Makron padkreśliŭ, što pry zamarožvańni aktyvaŭ nieabchodna pavažać mižnarodnaje prava, piša The Guardian.
Jeŭrakamisija prapanavała dziela pakryćcia ryzyk harantavać ablihacyi ŭsimi krainami ES, što, pavodle jurystaŭ, nie pavinna ličycca kanfiskacyjaj. Adnak Francyja zaniepakojenaja mahčymymi dadatkovymi finansavymi nahruzkami: jaje dziaržaŭny doŭh pieravyšaje 3,3 tryljona jeŭra, biudžetny deficyt — 5,4%, a ŭrad sutykajecca z palityčnaj niestabilnaściu.
Kab pierakanać Francyju padtrymlivać reparacyjny kredyt u pamiery 140 miljardaŭ jeŭra, Jeŭrakamisija prapanavała vykarystoŭvać hetyja srodki na zakupku jeŭrapiejskaj zbroi dla Ukrainy. Taksama Ukraina pavinna zabiaśpiečyć abaronu hetych srodkaŭ ad karupcyi i zrabić ich karysnymi dla jeŭrapiejskaj pramysłovaści.
Niekatoryja krainy ES, u tym liku Hiermanija i Šviecyja, vystupajuć za bolš aktyŭnaje vykarystańnie zamarožanych rasijskich aktyvaŭ dla dapamohi Ukrainie. Meta ES — da kanca hoda damovicca pra płan, kab vypłaty pačalisia z 2026 hoda.
Ciapier čytajuć
Aryštavali byłoha pamočnika Michaiła Miaśnikoviča10
Aryštavali byłoha pamočnika Michaiła Miaśnikoviča
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary