U Litvie zatrymali amal 30 čałaviek za arhanizacyju kantrabandy ź Biełarusi na šarach
Litoŭskija pravaachoŭnyja orhany zatrymali 28 čałaviek u miežach dasudovaha rasśledavańnia spravy ab kantrabandzie cyharet ź Biełarusi z vykarystańniem mietearałahičnych pavietranych šaroŭ. Siarod padazravanych — piać mierkavanych arhanizataraŭ złačynnaj schiemy, paviedamlaje LRT.

Jak paviedamiŭ hałoŭny prakuror upraŭleńnia pa rasśledavańni arhanizavanaj złačynnaści i karupcyi Hienieralnaj prakuratury Litvy Arturas Urbielis, na hetym etapie śledstva vyznačyła 28 padazravanych. Piać ź ich, pavodle viersii śledstva, kiravali kantrabandaj na litoŭskim baku.
Miarkujecca, što arhanizatarami byli žychary Salečnickaha rajona stałaha vieku, jakija ŭžo mieli sudzimaści, u tym liku za kantrabandu i niezakonny abarot padakcyznych tavaraŭ.
Zatrymańni adbylisia 3 śniežnia padčas maštabnaj apieracyi pravaachoŭnych orhanaŭ. Prakuratura ŭžo źviarnułasia ŭ sud z chadajnictvam ab vybary miery strymańnia ŭ vyhladzie aryštu.
Namieśnik kiraŭnika Biuro kryminalnaj palicyi Litvy Saulus Bryhinas paviedamiŭ, što padazravanyja nibyta nabirali ludziej dla arhanizacyi pierapraŭki cyharet ź Biełarusi z dapamohaj pavietranych šaroŭ i kaardynavali svaje dziejańni sa złačynnymi hrupami, jakija dziejničali na terytoryi susiedniaj krainy.
Naŭsieda: Ja budu siarod tych, chto najbolš žorstka patrabuje padaŭžeńnia sankcyj ES suprać Biełarusi
Naŭsieda: Tranzit uhnajeńniaŭ niemahčymy, pakul laciać šary ź Biełarusi
Litva pryhraziła Biełarusi novym zakryćciom miažy
Litva źvierniecca da ZŠA ŭ spravie apošniaha vypadku ź mieteazondami
U Vilni ŭčora pryziamliŭsia kantrabandny šar ź biełaruskimi cyharetami
Litoŭskija ŭłady kanstatavali palapšeńnie situacyi z kantrabandnymi šarami ź Biełarusi
Kamientary