Polšča zamarožvaje terminy razhladu spraŭ pa mižnarodnaj abaronie da sakavika 2026 hoda
Što heta značyć?
U Polščy prypynienyja terminy razhladu spraŭ ab mižnarodnaj abaronie da 4 sakavika 2026 hoda. Z 4 vieraśnia 2025 hoda ŭstupili ŭ siłu źmieny, uniesienyja ŭ Zakon ad 12 sakavika 2022 hoda «Ab dapamozie hramadzianam Ukrainy ŭ suviazi z uzbrojenym kanfliktam na terytoryi hetaj dziaržavy». Padstava: artykuł 100da. Hetyja źmieny zakranajuć i biełarusaŭ, paviedamlaje inicyjatyva Partyzanka.
Da 4 sakavika 2026 hoda prypyniajecca praciah terminaŭ razhladu zajaŭ ab pradastaŭleńni mižnarodnaj abarony (prytułku), jakija znachodziacca na razhladzie Upraŭleńnia pa spravach zamiežnikaŭ (UDSC — Urząd do Spraw Cudzoziemców).
Kali sprava ŭžo razhladajecca — termin «zamarožvajecca» i nie praciahvajecca da 4 sakavika 2026 hoda. Kali čałaviek padaŭ novuju zajavu — adlik terminaŭ pačniecca tolki paśla nazvanaj daty, tłumačyć inicyjatyva
Taksama da 4 sakavika 2026 hoda nie prymianiajucca pałažeńni ab:
-
biazdziejnasci orhana (h. zn. skarhi na zaciahvańnie razhladu nie razhladajucca);
-
praźmiernaj praciahłaści administracyjnaha razboru;
-
abaviazku apaviaščać baki ab nievyrašeńni spravy va ŭstanoŭleny zakonam termin.
U čałavieka, jaki padaŭ zajavu, pry hetym zachoŭvajecca lehalny status i ŭsie pravy, źviazanyja z padačaj zajavy. Adnak rašeńnie pa spravie moža być adkładziena — faktyčna adlik terminaŭ na razhlad časova «zamarožany».
Skarhi na zaciahvańnie razhladu da 4 sakavika 2026 hoda nie buduć mieć jurydyčnaha efiektu.
«Kali vy čakajecie rašeńnia pa mižnarodnaj abaronie, važna pamiatać: vaš praces nie spynieny, a tolki padlik terminu jaho razhladu prypynieny. Paśla 4 sakavika 2026 hoda razhlad budzie adnoŭleny», — piša Partyzanka.
Kamientary