Nobieleŭskuju premiju pa chimii prysudzili za raspracoŭku novych mietałaarhaničnych złučeńniaŭ. Jaje padzialili japoniec Susumu Kitahava, brytaniec Ryčard Robsan i iardaniec Amar M. Jahi.
Navukoŭcy stvaryli malekularnyja kanstrukcyi ź vialikimi prastorami, praź jakija mohuć prachodzić hazy i inšyja chimičnyja rečyvy, piša Bi-bi-si.
Hetyja kanstrukcyi, tak zvanyja mietałaarhaničnyja karkasy, mohuć vykarystoŭvacca dla zboru vady z pavietra ŭ pustyni, zachopu vuhlakisłaha hazu, zachoŭvańnia taksičnych hazaŭ abo katalizu chimičnych reakcyj.
Susumu Kitahava naradziŭsia ŭ 1951 hodzie ŭ Kijota. Atrymaŭ stupień doktara Univiersiteta Kijota ŭ 1979 hodzie, prafiesar hetaha ŭniviersiteta.
Ryčard Robsan naradziŭsia ŭ 1937 hodzie ŭ brytanskim Hłaśbiernie. Doktarskuju stupień atrymaŭ u 1962 hodzie ŭ Oksfardskim univiersitecie, jon prafiesar Mielburnskaha ŭniviersiteta.
Amar M. Jahi naradziŭsia ŭ 1965 hodzie ŭ Amanie (Iardanija). U 1990 hodzie atrymaŭ doktarskuju stupień va Univiersitecie Ilinojsa ŭ Urbana-Šampejn. Prafiesar Kalifarnijskaha ŭniviersiteta ŭ Bierkli.
Ciapier čytajuć
Minski školnik praspaŭ prypynak. Ale kiroŭca aŭtobusa davioz jaho dadomu!3
Minski školnik praspaŭ prypynak. Ale kiroŭca aŭtobusa davioz jaho dadomu!
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary