Pačałosia z taho, što Jahor Škutko, salist suśvietna viadomaha hurtu Molchat Doma, nie tolki pachvaliŭ dasłanuju jamu pieśniu, a navat pryjšoŭ na kancert pačatkoŭcaŭ — usiaho tady sabrałasia čałaviek 60.
Historyja hurta pačałasia ŭ 2021 hodzie. Pieršapačatkova artysty «Barysaŭskaha traktu» płanavali hrać zmročny post-pank. Repietycyi pravodzili prosta ŭ haražy. A ŭ repiertuary byli kaviery piesień biełaruskaha hurtu Molchat Doma, ad jakoha tady fanacieli muzyki-pačatkoŭcy.
U adnym ź intervju jany raskazali:
— Hrali hučna, brudnavata, nienastrojena — jak umieli. U niejki momant da nas u haraž pahrukaŭsia dziadula hadoŭ 70. Kaža: «Pryviet! Baču, vy rok hrajecie. Ja taksama ŭ siamidziasiatych u VIA hraŭ. Darečy, bas u vas žudasna hučyć».
U vyniku ŭ kalektyvie zrazumieli, što heta nie zusim ich kirunak, treba šukać niešta svajo. I pierajšli na indy-rok.
Raskručvacca sprabavali i praz tyktok, i prosta pišučy ŭsim, chto moh choć niejak dapamahčy prapijaryć novy trek. Siarod kantaktaŭ adšukali i Jahora Škutko, salista suśvietna viadomaha biełaruskaha hurta Molchat Doma.
Toj nie tolki pachvaliŭ dasłanuju jamu pieśniu, a navat pryjšoŭ na kancert pačatkoŭcaŭ — usiaho tady sabrałasia čałaviek 60. Na toj momant Molchat Doma užo mieli miljonnuju armiju prychilnikaŭ pa ŭsim śviecie i lohka źbirali poŭnyja zały ŭ Jeŭropie i ZŠA.
Z tych por, kažuć artysty, Jahor ź imi kamunikuje i čas ad času daje svaje parady.
Pastupova kolkaść prychilnikaŭ «Barysaŭskaha traktu» pačała pavialičvacca — hurt staŭ jeździć na nievialikija muzyčnyja mierapryjemstvy pa Biełarusi.
Sioleta pra indy-kalektyŭ užo pačali kazać jak pra adno z samych jarkich adkryćciaŭ na biełaruskaj scenie. Sami artysty vyhladajuć byccam hieroi filma pra 80-ja: svabodnyja kašuli ź jarkim pryntam dy šyrokim krojem, akulary ŭ vielizarnaj apravie, lohkaja niadbajnaść u pryčoskach…
A śpiavaje «Barysaŭski trakt» prostyja i, jak ciapier kažuć, «lampavyja» pieśni, siužety jakich zrazumieły kožnamu biełarusu. Naprykład, pra kantraloraŭ, jakija złavili zajca, jaki zahladzieŭsia ŭ akno.
Letam hurt vystupaŭ na fiestyvali Stereo Weekend, a vosieńniu adkryvaŭ hałoŭnuju scenu na muzyčnym fiestyvali Lidbeer.
«Barysaŭski trakt» atrymlivaje pryznańnie i na inšym uzroŭni. Sioleta hurt trapiŭ u miłuju historyju. Vypuskniki staličnaj himnazii № 11 zaprasili lubimych artystaŭ zavitać da ich na apošni zvanok. Padletki chacieli, kab artysty pabačyli, jak učorašnija školniki śpiavajuć ich pieśniu.
I kalektyŭ sapraŭdy zavitaŭ na śviata. U vyniku ščaślivyja byli ŭsie: i vypuskniki, i «Barysaŭski trakt». Navat doždž nie sapsavaŭ nikomu nastroj.
Niadaŭna hurt prezientavaŭ novuju pieśniu — «Jak škada».
Čym ciapier zajmajecca eks-udzielnik hurtu ŁSP Piatro Klujeŭ?
«Biełarusy nahadvajuć čałavieka z tryvožnym razładam». Paet Vital Ryžkoŭ pra zvańnie seks-simvała paezii, batł z Najdzionavym, Karža i Cichanoŭskuju
U Pleščanicach vystupić lehiendarny ŭ svoj čas hurt «Technałohija». Jaho apłaciŭ čałaviek, jaki haściŭ tut u babuli
U Homieli na Dzień horada tysiača čałaviek stančyli pad pieśniu «Kasiŭ Jaś kaniušynu» VIDEA
Kamientary