Mitrapalit Stanieŭski pieradaŭ Papu aficyjnaje zaprašeńnie naviedać Biełaruś
Staršynia Kanfierencyi katalickich biskupaŭ Biełarusi mitrapalit Minska-Mahiloŭski Juzaf Stanieŭski sustreŭsia ŭ Vatykanie z Papam Lvom XIV i pieradaŭ jamu aficyjnaje zaprašeńnie naviedać Biełaruś, paviedamlaje vydańnie Vatican News.
Sustreča, jak paviedamlajecca, prajšła ŭ siabroŭskaj atmaśfiery i doŭžyłasia kala paŭhadziny. Biełaruskaja delehacyja padaryła Papu abraz Maci Božaj Budsłaŭskaj.
Juzaf Stanieŭski padkreśliŭ, što akurat ciapier nadyšoŭ čas dla vizitu pantyfika ŭ Biełaruś. Maŭlaŭ, u 2026 hodzie budzie adznačacca 35‑hodździe adnaŭleńnia struktury Katalickaj carkvy ŭ krainie, a biełarusy vielmi čakajuć sustrečy z Papam. Leŭ XIV, jak paviedamlajecca, z razumieńniem pryniaŭ zaprašeńnie i paabiacaŭ uvažliva jaho razhledzieć.
Stanieŭski adznačyŭ, što da pryjomu Papy adkrytyja i dziaržaŭnyja orhany, i Pravasłaŭnaja carkva. Jon adznačyŭ svaje dobryja adnosiny ź mitrapalitam Vienijaminam.
Padčas razmovy abmiarkoŭvalisia taksama prablemnyja pytańni: los Čyrvonaha kaścioła ŭ Minsku, adsutnaść jurydyčnaha viartańnia niekatorych śviatyniaŭ, a taksama situacyja sa śviatarami, jakija znachodziacca ŭ źniavoleńni. Papa vykazaŭ z nahody ŭsich hetych prablem zakłapočanaść.
Asobna havaryli pra inicyjatyvu stvareńnia ŭ Rymie «Biełaruskaha Kalehiuma» — duchoŭna-kulturnaha centra dla biełaruskich katalikoŭ i pilihrymaŭ. Papa ź cikavaściu pastaviŭsia da hetaj idei i paabiacaŭ jaje razhledzieć.
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
Nuncyju i viciebskamu biskupu nie dazvolili sustrecca sa źniavolenymi katalickimi śviatarami
Śviatara, jaki raptoŭna pamior 34-hadovym, ckavaŭ kanał, źviazany z KDB i MUS
Palitźniavolenaha śviatara Andžeja Juchnieviča adpravili ŭ kałoniju ŭ Babrujsku
Ciapier čytajuć
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4343
Kamientary