Śviatara, jaki raptoŭna pamior 34-hadovym, ckavaŭ kanał, źviazany z KDB i MUS
Stała viadoma pra śmierć Jana Varanieckaha — maładoha probašča parafii Śviatoha archanioła Michaiła ŭ Ašmianach.
Jan Varaniecki pamior 12 vieraśnia kala chrama, u jakim słužyŭ.
«Usio adbyłosia raptoŭna. Ksiondz jakraz adpraŭlaŭ pachavalnuju imšu, vielmi cikavuju propaviedź pramoviŭ. Usio było jak zaŭsiody. Paprasiŭ prabačeńnia ŭ rodnych pamierłaha, što nie zmoža pajechać na mohiłki, bo śpiašajecca na imšu ŭ balnicu. Usie pajechali. A jaho praź niekatory čas znajšli miortvym kala kaścioła, jon navat nie paśpieŭ adjechać. Vierahodna, tromb. Ekśpiertyza pakaža. Vierniki ŭ stresie», — raskazali vierniki.
Jak vyśvietliła «Naša Niva», śviatara, jaki raptoŭna pamior 34-hadovym, ckavaŭ kanał, źviazany z KDB i MUS.
Resurs «Hrodnienskije ślivy», filijał centralnaha «Žiełtyje ślivy», śpiecyjalizujecca ŭ paklopach na Katalicki kaścioł.
Ksiondz Jan Varaniecki z Ašmian byŭ adnym z abjektaŭ takich paklopaŭ — vysmaktanych z palca, jak vyśvietliła «Naša Niva».
Mahčyma, mienavita heta pakinuła šnar na jaho sercy.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj34
Kamientary
[Zredahavana]