«Ceny jak u stałovaj». Minčanka paabiedała ŭ restaranie piacizorkavaha hatela ŭ centry stalicy i była šakavanaja
Dziaŭčyna-błohierka schadziła na abied u restaran, raźmieščany ŭ piacizorkavaj minskaj haścinicy «Jeŭropa», i pakazała ŭ TikTok, što jana jeła i jaki byŭ u vyniku rachunak.
«Atmaśfiera pampieznaja, ceny jak u stałovaj», — padsumavała Kacia. Čym karmili dziaŭčynu i što jaje tak uraziła (u dobrym sensie), piša Onliner.by.
Na abied dziaŭčyna vybrała: sup-piure z šampińjonaŭ za 6 rubloŭ, kurynuju katletu z hrybnym soŭsam za 9 rubloŭ i piure za 4.
Druhaja zamova była, vidać, dla taho, chto ź joj pryjšoŭ: file ptuški z macarełaj i soŭsam piesta za 11 rubloŭ, a taksama piure za 4. Akramia taho, u ček uvajšli sałata «Svitanak» za 6 rubloŭ i kapučyna za 8.
U vyniku abied na dvaich abyšoŭsia ŭ 48 rubloŭ. Kali, da prykładu, uziać u raźlik tolki sup i druhuju stravu, to vyjdzie 15 rubloŭ.
Hatel «Jeŭropa» raźmieščany na vulicy Internacyjanalnaj, 23. Pra restaran hatela ŭžo daŭno chodziać čutki, što tam možna smačna i biudžetna pajeści ŭ abiedzienny čas.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii
Kamientary