Usiaho ŭ śpisie 344 ptuški.
U aŭtorak Palina Dubavaja ź Viciebska źviarnuła ŭvahu na ptušku kala handlovaha centra. Akazałasia, što heta biełavallovy drozd (Turdus torquatus, biełazoby drozd) — vid, jaki raniej nie adznačaŭsia ŭ našaj krainie. Na žal, ptuška raźbiłasia ab šklany budynak, paviedamlaje telehram-kanał «Dzikaja pryroda pobač».
Biełavallovyja drazdy hniazdujucca ŭ hornych rajonach Skandynavii, a na poŭdzień na zimoŭku štohod mihrujuć praź Biełaruś. Tak dumali arnitołahi, i hetaja znachodka paćvierdziła hipotezu.
Źniešnie biełavallovy drozd vielmi padobny na zvyčajnaha ŭ nas čornaha drazda. Kali jarka-čorny samiec dobra adroźnivajecca ad čornaha drazda biełaj plamaj na hrudziach, to maładyja ptuški i samki amal nie adroźnivajucca ad samak i maładych čornaha. Asabliva ciažka ich adroźnić u poli ŭ palocie.
Heta budzie 344 vid u biełaruskim śpisie ptušak.
Tydzień tamu ŭ Bielhii vielmi redkaja ŭ Jeŭropie karalkovaja piačuraŭka raźbiłasia ab šybu budynka.
Ab šyby tolki ŭ Biełarusi padčas mihracyi zabivajucca sotni tysiač ptušak štohod. Siarod ich jość i redkija, i novyja dla krainy vidy.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary