«Vielmi ciažkaja finansavaja nahruzka». Biełaruskaja čyhunka atrymaje adterminoŭki pa kredytach
Alaksandr Łukašenka padtrymaŭ prapanovu, jakaja praduhledžvaje akazańnie dziaržaŭnaj padtrymki Biełaruskaj čyhuncy. Pra heta raskazaŭ žurnalistam načalnik BČ Valeryj Viarenič, piša BiełTA.
Valeryj Viarenič patłumačyŭ, što BČ nie prasiła vydzialeńnia novych srodkaŭ. Idzie havorka pra padaŭžeńnie terminu pahašeńnia pa raniej uziatych kredytach. «Jość peŭnaja suma, jakuju treba addać za 5 hadoŭ. Heta dla nas vielmi ciažkaja finansavaja nahruzka», — dadaŭ jon. Sprava ŭ tym, što zaraz pieravozačnaja dziejnaść BČ prynosić prybytak, ale jaho niedastatkova dla taho, kab zakryć usie abaviazacielstvy pa kredytach, jakija bralisia da hetaha. «My paprasili padsunuć terminy jašče na 5 hadoŭ — da 2035 hoda», — raspavioŭ Valeryj Viarenič.
Adpaviedna źmienšycca finansavaja nahruzka pa viartańni kredytaŭ, a vyzvalenyja crodki možna budzie ŭkłaści ŭ ramont, infrastrukturu, raźvićcio. Kredyty raniej bralisia na kuplu ruchomaha składu, elektryfikacyju — realizacyju vialikich infrastrukturnych prajektaŭ. «Układvajučy srodki ŭ vytvorčaść, my razumiejem, što dalej možam zarabić», — padkreśliŭ načalnik BČ.
Kamientary