Tramp zajaviŭ pra nieadkładnaje spynieńnie pieramovaŭ ab handli z Kanadaj z-za rekłamnaha rolika z Rejhanam
Prezident ZŠA napisaŭ u Truth Social, što pryčynaj staŭ fejkavy rekłamny rolik, jaki nibyta apłacili ŭłady kanadskaj pravincyi Antarya.
U im, cytuje Tramp paviedamleńnie Fondu Ronalda Rejhana, byŭ biez dazvołu fondu vykarystany zrobleny ŭ 1987 hodzie zapis vystupleńnia na radyjo tahačasnaha prezidenta ZŠA Ronalda Rejhana pra svabodu handlu i impartnyja pošliny, paviedamlaje Bi-bi-si.
«U suviazi ź ich aburalnymi pavodzinami ŭsie handlovyja pieramovy z Kanadaj nieadkładna spyniajucca», — napisaŭ Tramp.
Rejhan, jaki byŭ prezidentam ZŠA ŭ 1981—1989 hadach, pamior u 2004 hodzie.
Raniej Tramp uvioŭ 35%-nyja taryfy na impart z Kanady, za vyklučeńniem tavaraŭ, što padpadajuć pad umovy pahadnieńnia ab svabodnym handli ZŠA ź Mieksikaj i Kanadaj, jakoje Tramp zaklučyŭ padčas svajho pieršaha terminu. Tramp taksama ŭvioŭ pošliny na mietał i aŭtamabili z Kanady.
Jon užo abviaščaŭ pra spynieńnie pieramovaŭ z Kanadaj hetym letam, patłumačyŭšy heta padatkam na amierykanski bihtech. Nieŭzabavie padatak byŭ admienieny.
Ciapier čytajuć
Biełaruś čakaje novaja chvala savieckich ludziej z Łatvii i Estonii11
Biełaruś čakaje novaja chvala savieckich ludziej z Łatvii i Estonii
Jeździli šukać navat u BSSR, a nieapaznanaje cieła 30 hadoŭ lažała ŭ śpiecschoviščy. Novyja detali zahadkavaha źniknieńnia ŭ ZŠA biełaruskaha piśmieńnika Mikoły Celeša22
Kamientary