Hramadzianie ź litoŭskim VNŽ mohuć prajechać praz «Kamienny Łoh» tolki ŭ bok Litvy
Litoŭskija pamiežniki ŭdakładnili śpis zamiežnikaŭ, jakija mohuć prajechać praz punkt «Miedniki» («Kamienny Łoh»).
Pavodle infarmacyi na sajcie litoŭskaha Pamiežnaha kamiteta, zamiežnyja hramadzianie ź litoŭskim VNŽ i hramadzianie inšych krain ES mohuć tolki viarnucca ź Biełarusi ŭ Litvu, a nie jeździć u abodva kirunki.
Całkam śpis asob, jakija mohuć prajechać praz pamiežny punkt, vyhladaje tak:
- asoby, jakija majuć dypłamatyčnyja pašparty abo pieravoziać dypłamatyčnuju poštu Litoŭskaj Respubliki;
- asoby, jakija vandrujuć sa sproščanym tranzitnym dakumientam, vydadzienym u adpaviednaści z rehłamientam Savieta (ES) № 693/2003, to-bok tyja, chto jedzie tranzitam u Kalininhradskuju vobłaść ź Biełarusi i nazad;
- hramadzianie Litoŭskaj Respubliki i hramadzianie krain Jeŭrapiejskaha sajuza i členy ich siemjaŭ, jakija nakiroŭvajucca ŭ Litoŭskuju Respubliku;
- dla asob, jakija majuć vid na žycharstva ŭ Litoŭskaj Respublicy i nakiroŭvajucca ŭ Litoŭskuju Respubliku.
Pamiežny pierachod «Salečniki» (ź biełaruskaha boku «Bieniakoni») całkam zakryty.
Siońnia ŭrad Litvy pryniaŭ rašeńnie pra zakryćcio miažy ź Biełaruśsiu minimum da sierady. Paśla pasiadžeńnia ŭrada stanie viadoma pra dalejšaje raźvićcio situacyi. Litoŭski bok hatovy da doŭhaterminovaha zakryćcia miažy.
«My ŭžo padrychtavali rašeńnie ab zakryćci miažy ź Biełaruśsiu na nieakreśleny termin», — zajaviła premjer-ministr Inha Ruhinienie.
Viečaram 26 kastryčnika čarhovy raz była spyniena praca Vilenskaha aeraporta. Heta ŭžo treci viečar zapar, kali z-za vialikaj kolkaści kantrabandysckich šaroŭ z boku Biełarusi spynialisia paloty i zakryvalisia pamiežnyja punkty propusku. Ahułam u kastryčniku było sarvana bolš za 170 rejsaŭ u litoŭskich aeraportach, paciarpieli 27 000 pasažyraŭ.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary