ZŠA nie źbirajucca davać Vienhryi mahčymaść praciahvać kuplać rasijskuju naftu ŭ rasijskich kampanij «Rasnafta» i «Łukojł», jakija trapili pad sankcyi. Pra heta zajaviŭ prezident ZŠA Donald Tramp, piša The Moscow Times.
Prezident ZŠA adznačyŭ, što premjer-ministr Vienhryi Viktar Orban sprabavaŭ atrymać adpaviedny dazvoł.
«Orban paprasiŭ ab vyklučeńni z sankcyj suprać Rasii, ale ja admoviŭ», — padkreśliŭ Tramp.
Raniej u kancylaryi vienhierskaha premjera paviedamili, što jon maje namier sustrecca z Trampam 7 listapada, kab vyprasić adterminoŭku ŭ pytańni zakupak rasijskaj nafty. Budapiešt z usich sił supraciŭlajecca pierachodu na inšyja krynicy syraviny, i analityki tłumačać heta nie pahrozaj enierhabiaśpiecy krainy, jak zajaŭlajuć ułady, a finansavymi stratami dla biudžetu i najbujniejšaj enierhakampanii MOL.
Ale pazicyja Vienhryi vyhladaje ŭsio bolš słaboj, i jana pačała rychtavacca da pierabojaŭ u pastaŭkach paliva. Tak, urad raspracavaŭ papraŭki da zakona ab zachoŭvańni impartnaj nafty i naftapraduktaŭ, kab u vypadku źjaŭleńnia takich prablem možna było zadziejničać śpiecyjalnyja reziervovyja aŭtazapraŭki dla zabieśpiačeńnia krytyčna važnych spažyŭcoŭ i słužbaŭ, paviedamlała Reuters.
Źmieny, jakija nie zakranuć roźničnych pakupnikoŭ, pavinny ŭstupić u siłu z 1 studzienia 2026 hoda. U ekstrannym vypadku ŭrad zmoža vyznačać paradak vykarystańnia takich AZS i pryjarytetnaść atrymańnia paliva.
Adnačasova Budapiešt prapracoŭvaje varyjanty taho, jak abyści sankcyi ZŠA suprać «Łukojła» i «Rasnafty», jakija ŭstupajuć u siłu 21 listapada, skazaŭ Orban na minułym tydni. Adnak Jeŭrakamisija ŭ vieraśni abviaściła pra płany raspracavać myta dla pastavak rasiejskaj nafty, kab całkam admovicca ad jaje da 2027 hoda.
«Sankcyj… budzie dastatkova, kab padšturchnuć Vienhryju da admovy ad rasijskaj nafty», a myty ŭ vypadku ich uviadzieńnia «zrobiać rasijskija vuhlevadarody niekankurentazdolnymi [u paraŭnańni] ź inšymi krynicami», — miarkuje Tamaš Plecer, analityk nafty i hazu aŭstryjskaha Erste Bank.
Pientahon uchvaliŭ pastaŭku Ukrainie rakiet «Tamahaŭk»
Sustreču Trampa i Pucina ŭ Budapiešcie admianili z-za miemaranduma MZS Rasii
Tramp zajaviŭ, što Si Czińpin pahadziŭsia dapamahčy zaviaršyć vajnu va Ukrainie
Tramp i Si sustrelisia ŭ Paŭdniovaj Karei i rasstalisia moŭčki. Tramp zahadaŭ adnavić jadziernyja vyprabavańni
ZŠA dali zrazumieć Łukašenku, što čakajuć spynieńnia zapusku mieteazondaŭ u Litvu
Kamientary