Namieśnik staršyni Rady biaśpieki Rasii pahražaje Bielhii źniknieńniem paśla słoŭ ministra abarony krainy Tea Frankiena ab mahčymym adkazie NATO na jadzierny ŭdar Rasii.
Padstavaj staŭ kamientar bielhijskaha palityka časopisu Humo, dzie jon zajaviŭ, što kali Uładzimir Pucin zapuścić rakietu pa Brusieli, to «NATO zraŭniaje Maskvu ź ziamloj».
U adkaz Miadźviedzieŭ nazvaŭ Frankiena «nierazumnym» i pahražaŭ prymianieńniem «sapraŭdnaj zbroi kanca śvietu» — padvodnaha drona «Pasiejdon» ź jadziernym ruchavikom, piša Bild.
Rasijskija ŚMI śćviardžajuć, što pry vybuchu kala ŭźbiarežža taki aparat zdolny vyklikać radyjeaktyŭnaje cunami. Pucin raniej paviedamiŭ pra paśpiachovyja vyprabavańni hetaj sistemy.
Kali adzin z karystalnikaŭ u sacsietcy prapanavaŭ vykarystać Bielhiju jak «testavy palihon» dla atamnych vybuchaŭ, Miadźviedzieŭ adkazaŭ: «Tady Bielhija źniknie…». Frankien adreahavaŭ u Instagram, napisaŭšy, što NATO nie vajuje z Rasijaj i nie źbirajecca pačynać vajnu.
Rasijskaje pasolstva ŭ Brusieli nazvała słovy bielhijskaha ministra «pravakacyjnymi i absurdnymi». Skandał razhareŭsia na fonie rostu jadziernaj napružanaści: na hetym tydni ZŠA i Rasija amal adnačasova zajavili ab adnaŭleńni jadziernych vyprabavańniaŭ paśla dziesiacihodździaŭ maratoryju.
Ciapier čytajuć
Ofis Cichanoŭskaj užo ad siońnia pačynaje pracu ŭ Varšavie16
Ofis Cichanoŭskaj užo ad siońnia pačynaje pracu ŭ Varšavie
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary