Kiroŭcaŭ aŭtobusaŭ papularnaha ŭnutrybiełaruskaha maršruta adzieli va ŭniformu
Kiroŭcy aŭtobusaŭ, jakija vykonvajuć rejsy pa maršrucie Minsk — Hrodna i nazad, ciapier apranajucca ŭ adzinym styli.
Dla ciopłaha siezona — łakaničnyja poła, dla vosieńska-zimovaha pieryjadu — ucieplenyja kamizelki ŭ karparatyŭnych kolerach z łahatypam servisu, paviedamlaje abw.by sa spasyłkaj na Mižrehijanalnuju asacyjacyju pieravozčykaŭ.
«Pryniali takoje rašeńnie pa niekalkich pryčynach. Kali kiroŭca vyhladaje akuratna i prystojna, pasažyr adčuvaje ŭpeŭnienaść, što pierad im pradstaŭnik adkaznaha pieravozčyka. Uniforma stvaraje adčuvańnie paradku i sistemnaści. A heta vielmi važna dla śfiery, dzie klučavuju rolu adyhryvajuć davier i biaśpieka», — adznačajuć pradstaŭniki kampanij.
Maršrut Minsk — Hrodna — adzin z samych papularnych u krainie.
Kala hoda tamu adrazu niekalki kampanij, jakija pracujuć na napramku Hrodna — Minsk, zamianili maršrutki na vialikija aŭtobusy. Pry hetym abnaŭleńnie zakranuła nie tolki techniku, ale i vizualnuju składovuju. Usie aŭtobusy atrymali firmiennuju aklejku — z nacyjanalnymi biełaruskimi matyvami i vyjavami słavutaściaŭ. Novyja kamplekty adzieńnia dla vadzicielaŭ, raspracavanyja pieravozčykami razam z servisam prodažu i braniravańnia biletaŭ «Atłas», dapoŭnili hety styl.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary