Byłoha prezidenta Hruzii Michaiła Saakašvili vypisali z balnicy, dzie jon znachodziŭsia z 2022 hoda, i viarnuli ŭ turmu. Pra heta paviedamiła Pienitencyjarnaja słužba Hruzii.
Jak nahadali ŭ viedamstvie, Saakašvili byŭ pieraviedzieny ŭ pryvatnuju kliniku «Vivamied» 12 maja 2022 hoda dla atrymańnia stacyjanarnaj miedycynskaj dapamohi i z taho času znachodziŭsia pad nahladam daktaroŭ.
Ciapier, pavodle aficyjnych źviestak, stan zdaroŭja palityka pryznany zadavalniajučym, tamu jon bolš nie maje patreby ŭ stacyjanarnym lačeńni. U suviazi z hetym Saakašvili byŭ vypisany z kliniki i viarnuŭsia ŭ papraŭčuju ŭstanovu № 12, dzie praciahnie adbyvać pakarańnie na ahulnych umovach.
U Hruzii Saakašvili asudžany pa niekalkich spravach — u tym liku za nibyta raskradańnie dziaržaŭnych srodkaŭ i niezakonny pierachod miažy — u ahulnym liku bolš čym na 12 hadoŭ pazbaŭleńnia voli. Pad vartaj jon znachodzicca z 1 kastryčnika 2021 hoda, adrazu paśla svajho viartańnia z emihracyi na radzimu.
Sioleta ŭ listapadzie prakuratura Hruzii zaviała suprać Saakašvili i jašče siami apazicyjnych lidaraŭ novuju spravu — ich abvinavačvajuć u zaklikach da źviaržeńnia ŭłady. Paralelna ŭłady krainy źbirajucca pryznać niekanstytucyjnaj partyju Saakašvili «Adziny nacyjanalny ruch».
Saakašvili abvinavacili ŭ złačynstvach suprać dziaržavy
Saakašvili pryhavaryli jašče da čatyroch z pałovaj hadoŭ turmy
Saakašvili asudzili jašče na dzieviać hadoŭ turmy
Što Saakašvili kazaŭ Łukašenku, kab vyzvalili palitviaźniaŭ
Saakašvili: Ja ŭpeŭnieny, što Makieja zabiła Maskva i heta było apošnim papiaredžańniem Łukašenku
Kamientary