Nazvali pryčynu, pa jakoj viarnuŭsia ź Minsk samalot «Biełavija», jaki vylecieŭ u Baku
Siońnia zranku źjaviłasia infarmacyja, što ŭviečary 12 listapada samalot, jaki vykonvaŭ rejs «Minsk — Baku», paśla ŭźlotu viarnuŭsia ŭ aeraport. Ciapier stała viadomaja aficyjnaja pryčyna taho, što adbyłosia, paviedamlajuć «Minsk-Naviny».
U Azierbajdžan pavinien byŭ nakiroŭvacca pasažyrski samalot Embraer-195 avijakampanii «Biełavija», adnak praz paŭhadziny paśla ŭźlotu bort viarnuŭsia nazad.
«Samalot vylecieŭ ź Minska ŭ Baku ŭ 23:17. Nieŭzabavie paśla ŭźlotu była vyjaŭlenaja techničnaja niaspraŭnaść i, pa rašeńni kamandzira pavietranaha sudna, samalot viarnuŭsia ŭ bazavy aeraport u 23:46», — raspaviali ŭ avijakampanii. — Paśla viartańnia Embraer-195 byŭ apieratyŭna zamienieny na «Boinh 737-300»: u vyniku rejs vylecieŭ u Azierbajdžan u 2:20. Pakul pravodziłasia zamiena borta, pasažyram byli prapanavany achaładžalnyja napoi».
U kampanii «Biełavija» prynieśli prabačeńni za situacyju, jakaja skłałasia: supracoŭniki zrabili ŭsio mahčymaje, kab minimizavać niazručnaści.
Kamientary