Vyniesiena rašeńnie za abrazu «čornym šympanze» ŭ biełaruskim futbole
Vyniesiena rašeńnie pa rezanansnym vypadku ŭ biełaruskim futbole.
Haniebny incydent zdaryŭsia 2 listapada na matčy čempijanatu krainy pa futbole pamiž «Viciebskam» i «Smarhońniu».
Forvard «Viciebska» Valeryj Harbačyk nazvaŭ kamierunskaha abaroncu «Smarhoni» Kryścijana Intsaena «čornym šympanze». Za heta arbitr sustrečy Ihar Šumiłaŭ pakazaŭ forvardu haściej pramuju čyrvonuju kartku.
Praź niekalki dzion Harbačyk źjeździŭ u Smarhoń i vybačyŭsia pierad kamieruncam.
Siońnia Kantrolna-dyscyplinarnaja kamisija Biełaruskaj fiederacyi futboła vyniesła rašeńnie: Harbačyk dyskvalifikavany na piać matčaŭ i aštrafavany na 2100 rubloŭ, a z «Viciebska» źniata try bały ŭ čempijanacie.
Kłub i forvard pakaranyja pa artykule 73 (rasizm i dyskryminacyja), paviedamlaje «Biełaruski futboł».
Da kanca čempijanatu Biełarusi zastałosia dva matčy.
U vypadku, kali z «Viciebska» źniali try bały, to kamanda moža zhulać u stykavych matčach, kali finišuje na 14‑m miescy.
Zaraz stanovišča takoje:
11‑ie miesca — Arsienał — 30, 12. Viciebsk — 28, 13. Naftan — 25, 14. Smarhoń — 25. 15. Słuck — 21. 16. Maładziečna — 11.
Pakul dakładna «Maładziečna» pakidaje vyšejšuju lihu.
-
Frańja fon Almien staŭ trochrazovym alimpijskim čempijonam
-
Uładalnik «MŁ Viciebsk» pra mety kłuba: Vyjhrać čempijanat, Kubak i Supierkubak, a taksama prajści ŭ hrupavy etap adnaho ź jeŭrakubkaŭ
-
Amierykanski fihuryst vykanaŭ na Alimpijadzie elemient, jaki 50 hadoŭ byŭ zabaronieny, — za jaho nie dajuć bałaŭ, ale hledačy ŭ zachapleńni VIDEA
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja38
Kamientary