Ministr zamiežnych spraŭ Litvy spadziajecca, što ES na nastupnym tydni ŭchvalić novyja sankcyi dla Minska
Kiastucis Budrys spadziajecca, što ministry zamiežnych spraŭ Jeŭrasajuza na nastupnym tydni pahodziacca ŭvieści novyja sankcyi suprać Minska za kantrabandnyja pavietranyja šary, jakija praciahvajuć prylatać u Litvu ź Biełarusi, paviedamlaje LRT.
«Liču, što na nastupnym tydni, paśla sustrečy ŭ Hiermanii, kali ja ŭ čaćvier adpraŭlusia na pasiadžeńnie Rady pa zamiežnych spravach, u mianie budzie šyrokaja padtrymka za stałom pieramoŭ, i my zmožam u poŭnaj miery zadziejničać Jeŭrapiejskuju kamisiju i ŭsie jaje pravavyja miechanizmy», — zajaviŭ ministr ahienctvu BNS u čaćvier viečaram.
Na hetym tydni Budrys abmierkavaŭ situacyju ŭ Litvie sa svaimi kalehami z ZŠA i Polščy, a sustrečy ź ministrami Łatvii i Estonii zapłanavanyja na piatnicu.
«Usia hetaja praca sapraŭdy dazvalaje nam spadziavacca, što my budziem chutčej dziejničać u pytańni sankcyj suprać Biełarusi i nie budziem čakać 20‑ha pakieta sankcyj», — adznačyŭ kiraŭnik MZS Litvy.
Reahujučy na pahrozu hramadzianskaj avijacyi ź mietearałahičnych zondaŭ, urad Litvy zakryŭ miažu ź Biełaruśsiu na miesiac, ź niekatorymi vyklučeńniami. Heta rašeńnie dziejničaje da 30 listapada, paśla čaho kabiniet ministraŭ prymie rašeńnie adnosna padaŭžeńnia terminu zakryćcia.
Siońnia stała viadoma, što Polšča 17 listapada adkryje dva pamiežnyja pierachody na miažy ź Biełaruśsiu.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Letuva zmahajecca nie z režymam Łukašenki, a ź Biełaruśsiu.