Na vyprabavańniach pad Maskvoj zaŭvažyli novy ciahnik dla minskaha mietro. Jon padobny da zvyčajnaj elektryčki
U bazie danych hramadskaha transpartu Transphoto źjaviłasia fatahrafija sastavu ciahnika mietro «Minsk-2024» (numar madeli 81-765.7). Zdymak zrobleny ŭčora, 13 listapada 2025 hoda, piša Blizko.by.
Ciahnik źniaty na vyprabavalnym palihonie AT «Mietrovahonmaš» u padmaskoŭnym horadzie Myciščy, dzie znachodzicca vytvorčaść. Adznačajecca, što sieryjny numar vahona — 70908.
Na zdymku možna razhledzieć, što piacivahonny ciahnik užo całkam pafarbavany ŭ sinie-biełuju liŭreju minskaj padziemki, pobač ź dźviaryma mašynista namalavany hierb Minska z podpisam «Minsk».
Taksama možna bačyć, što z-pad dna ciahnika da pantohrafa na dachu idzie siłavy kabiel.
Ułasna kažučy, mienavita z-za pantohrafa ciahnik bolš padobny da zvyčajnaj elektryčki, a nie da ciahnika mietro.
Pantohraf spatrebiŭsia dla padviadzieńnia elektrasiłkavańnia. U Minsku ciahniki mietro zasiłkoŭvajucca ad treciaj rejki, raźmieščanaj pobač z puciami i prykrytaj achoŭnym kažuchom aranžavaha koleru. Tut ža na palihonie ŭ Myciščach, jak dobra vidać pa fota, treciaj rejki niama — tamu i spatrebiŭsia vierchni tokazdym praz pantohraf.
«Trochkarčmovaja», «Razdarožnaja» i «Makajonka». Jakija nazvy stancyj mietro prapanuje Abjadnany pierachodny kabiniet
Ź pierasadkaj na «Akademii navuk». Prajekciroŭščyki raskazali, jakoj moža być čaćviortaja linija minskaha mietro
Minskaje mietro karektuje prajekt čaćviortaj linii — nie budzie strohaj pryviazki da Druhoha transpartnaha kolca
U minskim mietro chutka źjaviacca novyja ciahniki
Rada pa maralnaści prapanavała nazvać adnu sa stancyj mietro ŭ honar Jeŭfrasińni Połackaj
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary