«Syn Hitlera», «miarzotnik» i «nacyst» — Brazilija aburanaja kancleram Hiermanii
«Brazilija ŭdziačnaja za vaša adbyćcio».
Kancler Hiermanii Frydrych Mierc vyklikaŭ abureńnie ŭ Brazilii svaimi pahardlivymi słovami pra horad Bielen, dzie prachodziła Suśvietnaja klimatyčnaja kanfierencyja.
Na kanhresie ŭ Hiermanii Mierc skazaŭ: «My žyviom u adnoj z samych pryhožych krain śvietu. Ja spytaŭ niekalkich žurnalistaŭ, jakija byli sa mnoj u Brazilii na minułym tydni: chto z vas chacieŭ by tut zastacca? Nichto nie padniaŭ ruku. Usie byli rady, što my viarnulisia ŭ Hiermaniju».
Prezident Brazilii Łuła da Siłva adrazu adreahavaŭ na hetyja słovy, zajaviŭšy, što kancler pavinien byŭ u Bielenie «zajści ŭ bar, patancavać i pasprabavać miascovuju kuchniu» — tady «jon zrazumieŭ by, što Bierlin nie moža prapanavać jamu i dziesiaci pracentaŭ toj jakaści, jakuju daje štat Para i horad Bielen», piša BILD.
Jašče bolš rezka adreahavaŭ mer Rya-de-Žanejra Eduarda Paes: u X jon nazvaŭ Mierca «synam Hitlera», «miarzotnikam» i «nacystam». U chutkim časie jon vydaliŭ hety post i napisaŭ zamiest jaho: «Heta byŭ moj sposab siońnia vypuścić paru. Zastavajciesia spakojnymi ŭ MZS. Niachaj žyvie siabroŭstva pamiž Brazilijaj i Hiermanijaj».
Na Mierca ŭ instahramie taksama abrynułasia šmat kamientaroŭ ad brazilcaŭ. Tam napisali, naprykład: «Brazilija ŭdziačnaja za vaša adbyćcio. Vydatna, što vy znoŭ doma — lepš zastavajciesia tam, my pa vas dakładna nie budziem sumavać».
Kamientary