U Prypiaci złavili hihanckaha soma-vołata. Ale pravieryć heta niemahčyma
U piatnicu ŭ Prypiaci złavili ekzemplar daŭžynioj 225 santymietraŭ.
Miarkujecca, što vaha ryby skłała kala centniera, ale ŭzvažyć mahčymaści nie było. Rybaki kažuć, što som trapiŭsia im vypadkova, naohuł jany łavili ščupaka. Samoŭ u hety siezon zdabyvać zabaroniena.
Pra hetuju padzieju paviedamiŭ Nacyjanalny park «Prypiacki», va ŭhodździach jakoha ŭsio adbyłosia. Som uziaŭsia na «ščupakovuju» blešniu pry łoŭli ź bieraha. U nacparku žurnalistam Onliner.by udakładnili: što da vahi — isnuje formuła vyznačeńnia pry viadomych daŭžyni i achopie.
Tak atrymali hety pryblizny centnier. Čamu nie ŭzvažyli narmalna? Dy tamu što rybaki adpuścili hihanta. «Usio pravilna zrabili», — kažuć u «Prypiackim».
Z 1 listapada ŭ Biełarusi dziejničaje zabarona na łoŭ soma. U vypadku, kali rybina rybakam usio ž vypadkova trapiłasia, jaje treba nieadkładna adpuskać.
U nacparku ličać toje, što adbyłosia, čarhovym dobrym znakam i śviedčańniem bahaćcia miascovaj ichtyjafauny: «Takija samy — nie prosta trafiej, heta harantyja zdaroŭja ŭsioj papulacyi. Asoby takoha pamieru ŭžo zdolnyja efiektyŭna adnaŭlać patomstva, tamu ich zachavańnie krytyčna važnaje dla ekasistemy». Naohuł tut časta traplajucca ryby zvyš 10 kiłahramaŭ, a značyć, karmavyja resursy i inšyja ŭmovy ŭ paradku.
Kamientary