Pavuk paviedamiŭ, što jaho aštrafavali ŭ Litvie za prapahandu zabaronienaj simvoliki
Błohier Andrej Pavuk, jaki niadaŭna trapiŭ u skandalnuju historyju na moŭnaj hlebie ŭ tralejbusnym parku ŭ Vilni i byŭ zvolnieny z pracy, paviedamiŭ u fejsbuku pra toje, što zdabyŭ sabie na hałavu novyja prablemy.
Pa słovach Andreja Pavuka, litoŭskija orhany vyvučyli jahonuju staronku ŭ fejsbuku i znajšli tam zabaronieny ŭ Litvie kantent:
«Virtualny patrul vyvučyŭ maju staronku ŭ Fejsbuku (taki patrul jość u Litvie) i znajšoŭ reposty histaryčnych chronik sa svastykaj, siarpom i mołatam, i hieorhijeŭskaj stužkaj. Minimalny štraf vy bačycie. Plus kanfiskoŭvajuć pryładu. U mianie jana była staraja, i ja jaje da hetaha času vykinuŭ (telefon)».
Miarkujučy pa prykładzienym skrynie, štraf skłaŭ 150 jeŭra.
Jak tłumačyć błohier u kamientarach, zabaronienaja ŭ Litvie simvolika na jaho staroncy apynułasia tamu, što jon
«vykarystoŭvaŭ videa z Azaronkam. Tam jana ŭ jaho na noŭcie była». Taksama ŭ jaho «byŭ Vasil u piłotcy. Post stvorany ŭ 2020-m. A reposnuŭ u hety maj».
Papraŭki da zakona «Ab administracyjnych parušeńniach», jakija vyznačyli adkaznaść za publičnuju demanstracyju hieorhijeŭskaj stužki i inšych simvałaŭ rasijskaha militaryzmu, litoŭski Siejm pryniaŭ u krasaviku 2022 hoda, nieŭzabavie paśla pačatku poŭnamaštabnaj vajny Rasii suprać Ukrainy.
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary