Padpolny popyt na dalikatesnaje miasa lemuraŭ viadzie ich da vymirańnia
Daśledavańnie pakazała, što lemury apynulisia pad jašče bolšaj pahrozaj źniknieńnia z-za rostu padpolnaha popytu na ich miasa, jakoje na Madahaskary ličycca «dalikatesam». Choć palavańnie na lemuraŭ zabaroniena ŭžo kala 60 hadoŭ, štohod u krainie zabivajuć amal 13 tysiač hetych žyvioł, paviedamlaje Euronews.
Navukoŭcy apytali 2600 čałaviek u 17 haradach — ad palaŭničych da rabotnikaŭ restaranaŭ — i vyśvietlili, što miasa lemuraŭ jość u mieniu bolš čym u tracinie nasielenych punktaŭ. Pry hetym amal uvieś handal (kala 95%) adbyvajecca tajemna pamiž pastaŭščykami i pastajannymi «nadziejnymi» klijentami. Ludzi hatovyja płacić za takoje miasa bolš, čym za zvyčajnuju fiermierskuju pradukcyju, bo ličać jaho bolš smačnym abo karysnym dla zdaroŭja.
Asabliva časta zdabyvajuć burych lemuraŭ i lemuraŭ vary — vidy, jakija ŭžo znachodziacca pad pahrozaj, u tym liku krytyčnaj. Pa słovach daśledčykaŭ, lemuraŭ faktyčna «źjadajuć» da poŭnaha źniknieńnia ź dzikaj pryrody. Prytym asnoŭnaja klijentura — heta zabiaśpiečanyja klijenty.
Navukoŭcy prapanujuć uzmacnić kantrol za niezakonnaj zbrojaj, pravodzić infarmacyjnyja kampanii, kab skaracić popyt na miasa lemuraŭ, i stvarać dla palaŭničych inšyja krynicy zarobku. Bieź sistemnych mier pa abaronie, papulacyi hetych unikalnych žyvioł mohuć źniknuć.
Hety maleńki źviarok moža raskryć sakret baraćby sa stareńniem
U Minskim zaaparku naradziłasia lemurania. Pahladzicie, jakoje jano śmiešnaje
U Hrodzienskim zaaparku lemuraŭ ratujuć ad zimovaj markoty z dapamohaj čarapach
Adpačynak kazačny, ale nie biudžetny: jak siamja z Bresckaj vobłaści baviła čas u parku žyvioł «Dypryz»
Kamientary