Rada BNR uznaharodziła dobraachvotnikaŭ, jakija vajujuć va Ukrainie
Uznaharodžańnie adbyłosia ŭ Dzień Hierojaŭ, jaki adznačajecca ŭ honar udzielnikaŭ Słuckaha zbrojnaha čynu 1920 hoda.
Staršynia Rady BNR Ivonka Surviła źviarnułasia da biełarusaŭ z hetaj nahody:
«Źviartajusia da vas siońnia, kab prypomnić usim nam našych mahčyma najbolšych hierojaŭ. Prypomnić ź vielizarnaj udziačnaściu i skazać im, što jany dasiul žyvuć u sercy kožnaha Biełarusa, i što my vierym, što ź ichniaj dapamohaj my adrodzim našuju Baćkaŭščynu, nie dazvolim voraham ścierci jaje z pavierchni Ziamli», — havorycca ŭ zvarocie.
Miedalom Ordena Pahoni z dadatkovaj adznakaj vajskovych zasłuhaŭ uznaharodžany aficer, imia jakoha nie razhałošvajecca, i były kamandzir Pałka imia Kastusia Kalinoŭskaha Pavał Šurmiej. Try bajcy ŭznaharodžanyja Miedalom Ordena Pahoni paśmiarotna.
Za asabistuju advahu, prajaŭlenuju ŭ bajach suprać rasijskich ahresaraŭ va Ukrainie dziela svabody Biełarusi i Ukrainy, adzin aficer uznaharodžany miedalom «Za bajavyja zasłuhi» pieršaj stupieni (załatym), piaciora bajcoŭ — srebnym miedalom, ź ich dva — paśmiarotna.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro7
Kamientary