Anłajn-bank Revolut zabłakavaŭ rachunki niekatorym klijentam ź Biełarusi i Rasii. Pryčym u niekatorych vypadkach heta zroblena dosyć apieratyŭna: spačatku ludziej papiaredžvajuć ab mahčymym «banie» i prosiać dasłać dakumienty, a praz peŭny čas błakujuć: adnych — na praciahu niekalkich siekund, druhich — hadzin.
Adzin z klijentaŭ Revolut raskazaŭ «Lusterku», jak jamu ŭdałosia adnavić dostup.
1 listapada stała viadoma, što Revolut pačaŭ apaviaščać svaich klijentaŭ ź Biełarusi i Rasii ab błakiroŭcy rachunkaŭ, jakija byli adkryty pa humanitarnych i pracoŭnych vizach. Finustanova spasyłałasia na 19‑y pakiet sankcyj ES, jaki ŭstupiŭ u siłu. Paźniej stała viadoma, što karystalniki ź dziejnym DNŽ jeŭrapiejskich krain taksama trapili pad błakiroŭku.
Biełarusu Ramanu (imia źmieniena) udałosia damahčysia admieny błakiroŭki rachunku Revolut.
— Ź piatnicy na subotu mnie pryjšło ad Revolut dva listy. U 2.45 napisali, što termin dziejańnia maich dakumientaŭ skončyŭsia, treba terminova pradastavić aktualnyja dakumienty, kab paźbiehnuć błakiroŭki. I tut ža ŭ 2.45, z roźnicaj u niekalki siekund, prychodzić paviedamleńnie, što pryniata rašeńnie zabłakavać moj rachunak, bo ja nie pradastaviŭ dakumienty. Ja spaŭ, — raskazaŭ mužčyna.
Ranicaj jon napisaŭ u techpadtrymku Revolut.
— Tam bot adkazvaŭ, maŭlaŭ, «nam vielmi škada». Ja paprasiŭ złučyć z apierataram, ale mnie adkazali, što jon ciapier niedastupny, vyzvalicca praz paŭtary hadziny. Ja pačaŭ pisać listy na tuju skryniu, ź jakoj prychodzili listy pra błakiroŭku. Ja napisaŭ, što ŭ mianie jość dziejny DNŽ [adnoj ź jeŭrapiejskich krain], — raskazvaje biełarus. —
U čat-bot na Revolut fatahrafiju dakumienta adpraŭlaŭ. Mnie adkazvali, što mohuć tolki praz zahruzku ŭ mabilnym dadatku pryniać, u čat nielha. A potym mnie pryjšło paviedamleńnie, što techničnyja prablemy pry zahruzcy malunkaŭ, «my možam vas apaviaścić, kali prablemy buduć vyrašany».
Uviečary 1 listapada Revolut dasłaŭ paviedamleńnie biełarusu pra toje, što prablemy vyrašany.
«Ja zahruziŭ fatahrafii — piaredni i tylny baki DNŽ. Dzieści hadzinu apracoŭvali fota, potym pryjšło apaviaščeńnie, što ŭsio apracavana, vieryfikavana, a dostup da akaŭnta adnoŭleny.
Usio pracuje ciapier, usio dobra», — reziumavaŭ biełarus.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary
Jany prapanujuć lehalny sposab adkatvać kryptu ŭ jeŭryki.
Adpaviedna paźbiahać jeŭrapiejskich padatkaŭ na padbonyja zarobki i karystacca srodkami (kali kaniešnie, mašyny i kiłahramy zołata ich kartkaj nie kuplać).
Ale hetaja akienca začyniecca.