Inžyniera, jaki zapuskaŭ treciuju liniju minskaha mietro, asudzili za Hajuna
Juryj Karnicki — vysakakłasny śpiecyjalist pa aŭdyjavizualnych sistemach, jaki pracavaŭ u bujnym intehratary Netland. Jon naładžvaŭ składanaje abstalavańnie dla novych stancyj minskaha mietrapalitena, ale prafiesijnyja zasłuhi nie vyratavali jaho ad pieraśledu. Niadaŭna jaho asudzili.
Juryju Karnickamu 44 hady. Jon vučyŭsia ŭ Francyi, u 2007‑m hodzie skončyŭ Univiersitet Lumjer Lijon 2. Svaju karjeru budavaŭ u śfiery vysokich technałohij: spačatku amal siem hadoŭ adpracavaŭ inžynieram u hrupie kampanij STC, paśla pierajšoŭ u Mobile Service Ltd, dzie zajmaŭsia aŭdyjavizualnymi rašeńniami.
Z krasavika 2021 hoda Juryj pracavaŭ inžynieram u kampanii Netland. Mienavita tut jon udzielničaŭ u maštabnym dziaržaŭnym prajekcie — zapusku treciaj linii minskaha mietro. Juryj zajmaŭsia puskanaładačnymi rabotami składanych ličbavych sistem: ad vahonnaha telenazirańnia i hučnaj suviazi na stancyjach da sistem adzinaha času.
Adno ź vialikich zachapleńniaŭ Juryja — aŭtamabili, asabliva marki kancerna PSA (Peugeot i Citroen). U volny čas Juryj šmat pisaŭ u tematyčnych čatach, dzie dapamahaŭ inšym: dzialiŭsia vopytam absłuhoŭvańnia, dapamahaŭ padbirać alivu i zapčastki, raźbiraŭsia ŭ niuansach pracy ruchavikoŭ i sažavych filtraŭ.
Jašče adno jahonaje chobi — strajkboł. Taksama mužčyna padarožničaje, zajmajecca sportam, lubić byvać na pryrodzie. U jaho jość niepaŭnaletniaja dačka.
Juryj źnikaŭ z sacsietak kala 10 miesiacaŭ tamu — padobna, što jaho aryštavali i trymali ŭ SIZA. Mužčynu asudzili ŭ Minskim haradskim sudzie pa č. 1 i 2 artykuła 361‑4 Kryminalnaha kodeksa — «sadziejničańnie ekstremisckaj dziejnaści». Karnickamu prysudzili chatniuju chimiju.
«Naša Niva» — bastyjon biełaruščyny
PADTRYMAĆCiapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni33
Kamientary
Dziakuj za padtrymku.
Sił vam prajści vyprabavańnie.