Ukraincaŭ spytali, jak jany staviacca da mirnaha płana, jaki budzie ŭklučać vyvad vojskaŭ z Danbasa

Takija vyniki apytańnia Kijeŭskaha mižnarodnaha instytuta sacyjałohii (KMIS), praviedzienaha 26 listapada — 13 śniežnia, piša «Ukrainskaja praŭda».

«Rasijski płan zastajecca kateharyčna nieprymalnym — 75% ukraincaŭ ličać jaho całkam nieprymalnym (stolki ž było ŭ vieraśni 2025 hoda). Tolki 17% ukraincaŭ hatovyja na rasijskuju viersiju miru (stolki ž było raniej)», — havorycca ŭ daśledavańni.

U toj ža čas 72% ukraincaŭ (sacyjołahi akcentujuć, što pieravažna biez entuzijazmu), ale hatovyja ŭchvalić płan Jeŭropy i Ukrainy. Tolki 14% kateharyčna adchilajuć jaho.

Pavialičyć

U KMIS adznačajuć, što ŭ miežach apytańnia padrychtavali dźvie skaročanyja viersii «mirnaha płana». Adzin ź ich byŭ umoŭnym płanam Jeŭropy i Ukrainy, a druhi — umoŭnym płanam Rasii. Respandentu vypadkova začytvali adzin z dvuch varyjantaŭ-płanaŭ, nie ŭdakładniajučy, što hety płan ad Jeŭropy z Ukrainaj ci ad Rasii.

Umoŭny płan Jeŭropy i Ukrainy:

• Ukraina atrymlivaje nadziejnyja harantyi biaśpieki ad Jeŭropy i ZŠA, jakija ŭklučajuć pastajannyja pastaŭki Ukrainie zbroi i hrošaj u dastatkovaj kolkaści, a taksama zakryćcio ŭkrainskaha nieba ad rasijskich atak;
• ciapierašniaja linija frontu zamarožvajecca, Rasija zachoŭvaje kantrol nad akupavanymi terytoryjami, ale Ukraina i śviet aficyjna hetaha nie pryznajuć;
• Ukraina ruchajecca da ŭstupleńnia ŭ ES;
• sankcyi suprać Rasii zachoŭvajucca da ŭstalavańnia ŭstojlivaha miru i źniknieńnia pahroz paŭtornaha napadu z boku Rasii.

Umoŭny płan Rasii:

• ZŠA i Jeŭropa admianiajuć usie sankcyi suprać Rasii;
• ruskaja mova atrymlivaje aficyjny status;
• Ukraina pavinna istotna skaracić armiju i abmiežavać uzbrajeńnie;
• Ukraina nazaŭsiody admaŭlajecca ad členstva ŭ NATA, a Zachad nie moža bolš pastaŭlać zbroju Ukrainie;
• Rasija maje prava vyznačać, jakimi buduć harantyi biaśpieki dla Ukrainy, i budzie adnoj z krain-harantaŭ biaśpieki Ukrainy;
• Ukraina vyvodzić vojski z častki Danieckaj vobłaści, jakuju zaraz kantraluje, heta značyć z Kramatorska, Słavianska i inšych haradoŭ;
• Ukraina aficyjna pryznaje Krym, Danieckuju i Łuhanskuju vobłaści častkaj Rasii i nazaŭsiody admaŭlajecca ad ich;
• Rasija zachoŭvaje kantrol nad akupavanymi častkami Chiersonskaj i Zaparožskaj abłaściej.

Daśledavańnie pravodziłasia z 26 listapada pa 13 śniežnia. Mietadam telefonnych intervju na asnovie vypadkovaj vybarki mabilnych numaroŭ apytali 547 respandentaŭ va ŭzroście ad 18 hadoŭ, jakija pražyvajuć na terytoryi Ukrainy, kantralavanaj uradam Ukrainy. 

• 6
• 0
• 2
• 3
• 0
• 1
• 2
• 1