U žychara Hrodna dastali nyrkavy kamień pamieram ź miačyk dla holfu
Sudovyja ekśpierty Hrodzienščyny sutyknulisia z redkim vypadkam: na daśledavańnie pastupiŭ nyrkavy kamień unušalnych pamieraŭ — dyjamietram kala 4 santymietraŭ. Naprykład, dyjamietr miačyka dla holfa — 4,2 sm.
Hety kamień byŭ vydaleny chirurhičnym šlacham u žychara Hrodna. Dla vyznačeńnia dakładnaha chimičnaha składu kamienia, što źjaŭlajecca klučavym etapam u pastanoŭcy dyjahnazu i pryznačeńni dalejšaha lačeńnia, pacyjent źviarnuŭsia da ekśpiertaŭ-chimikaŭ, taksama pamier kamienia vyklikaŭ asablivy intares, paviedamlaje Dziaržkamitet sudovych ekśpiertyz.
«Viedańnie dakładnaha składu dazvolić daktaram padabrać najbolš efiektyŭnaje lačeńnie, skarektavać dyjetu i praduchilić utvareńnie novych kamianioŭ u budučyni», — adznačaje namieśnik načalnika ŭpraŭleńnia łabaratornych daśledavańniaŭ rečaisnych dokazaŭ bijałahičnaha charaktaru Jelizavieta Radzivon.
Sudovyja ekśpierty ŭ chodzie daśledavańnia vyśvietlili, što taki kamień źjaŭlajecca źmiašanym pa składzie, u im źmiaščajucca aksalaty, fasfaty i ijony kalcyja. Taki typ nyrkavych kamianioŭ u ludziej sustrakajecca čaściej za ŭsio.
Hrodzienskija ekśpierty-chimiki pieršymi siarod usich abłasnych upraŭleńniaŭ DKSE prapanavali mietadyku vyznačeńnia chimičnaha składu nyrkavych kamianioŭ i z kastryčnika 2016 hoda stali pravodzić adpaviednuju ekśpiertyzu, raspracavaŭšy mietadyčnyja rekamiendacyi. Hetaja pasłuha adrazu ž vyklikała cikavaść u hramadzian. Pa siońniašni dzień jana karystajecca papularnaściu, bo vyniki daśledavańniaŭ dapamahajuć daktaram-urołaham razabracca ŭ pryčynach mačakamiennaj chvaroby i padabrać pacyjentu adpaviednuju dyjetu dla minimizacyi ryzyki recydyvu.
Štohod u abłasnym ekśpiertnym viedamstvie ŭ siarednim pravodzicca bolš za 100 daśledavańniaŭ chimičnaha składu nyrkavych kamianioŭ.
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary