Kryścina Cimanoŭskaja znoŭ niaviesta — ź piarścionkam ad Tiffany
Biełaruskaja biahucha, jakaja ciapier vystupaje za zbornuju Polščy, atrymała prapanovu ruki i serca ŭ Centralnym parku Ńju-Jorka.
Kryścina Cimanoŭskaja raspaviała ŭ instahramie padpisčykam, što jašče letaś zahadała trapić u Ńju-Jork na Rastvo. I sioleta ŭ jaje ŭsio atrymałasia: spartsmienka prylacieła tudy razam sa svaim kachanym.
Nahadajem: u 2023 hodzie Kryścina kančatkova razyšłasia z mužam Arsienijem Zdanievičam (para była razam dzieviać hadoŭ, ź ich šeść — u aficyjnym šlubie). Amal adrazu paśla pierajezdu ad byłoha biahucha palacieła ŭ adpačynak u Hrecyju — i tam sustreła novaje kachańnie. Jaje abrańnikam staŭ ukrainski błohier Alaksandr Sałonski.
Voś što tady Kryścina raspaviadała ŭ intervju «Našaj Nivie»:
«Dla mianie heta nie prosta kurortny raman ci momant pomsty. Ja absalutna nie dumała pra heta, a prosta žyła sercam. I adčuła, što ŭ čałavieku, ź jakim ja paznajomiłasia, jość usio toje, što ja chacieła b bačyć u svaim partniory. U nas vielmi sychodziacca pohlady i bačańnie hetaha žyćcia. Taksama jość ahulnyja zachapleńni i ŭ niejkaj stupieni adnolkavyja płany (choć my nie byli da hetaha znajomyja, ale ŭsio tak syšłosia, što mnie padałosia, byccam my znajomyja 100 hadoŭ). U momancie ja adčuła, što znajšła svajho čałavieka, ź jakim dobra».
I voś ciapier Alaksandr vyrašyŭ zrabić Kryścinie prapanovu ruki i serca. Adbyłosia ŭsio ŭ Centralnym parku — chłopiec nadzieŭ kachanaj piarścionak z dyjamientam ad Tiffany. Dziaŭčyna adkazała: «Tak!»
U storys Kryścina raspaviała, što navat raspłakałasia ŭ toj momant.
«Zrazumieła, što vartaja lepšaha». Kryścina Cimanoŭskaja razvodzicca
Biahucha Cimanoŭskaja hatovaja sudzicca z byłym mužam za 33000 dalaraŭ i pahražaje pazbavić jaho hramadzianstva
«Jon atrymaŭ polskaje hramadzianstva za 9 miesiacaŭ»: Cimanoŭskaja ŭ šoku ad taho, što jaje były muž viarnuŭsia ŭ Minsk
Były muž Cimanoŭskaj raskazaŭ, što viarnuŭsia ŭ Biełaruś jašče da vybaraŭ i prahałasavaŭ za Łukašenku
Ciapier čytajuć
Cichanoŭskaja pavinšavała biełarusaŭ razam z Kaleśnikavaj, Sieviaryncam i Łatuškam17
Kamientary