U Homieli nakryli narkasietku: ad 41‑hadovaha trafaretčyka da školnika-zakładčyka
Śledčy kamitet zaviaršyŭ rasśledavańnie spravy ŭ dačynieńni da hrupy asob, jakija zabiaśpiečvali pracu internet-kramy pa prodažy psichatropaŭ.
Hałoŭnym fihurantam staŭ 41‑hadovy hamialčuk, jaki raniej byŭ nieadnarazova sudzimy. Kali hrošaj na čarhovuju porcyju nie chapiła, narkamarkiet prapanavaŭ jamu pracu trafaretčykam. Za biaspłatny tavar mužčyna razmaloŭvaŭ horad kantaktami narkašopa. Jon sapsavaŭ dziasiatki abjektaŭ: fasady damoŭ, prypynki, aharodžy i transfarmatarnyja padstancyi. U mai, kali trafaretčyk pryjšoŭ zabirać abiacanuju zakładku, jaho zatrymała milicyja.
Śledstva vyjšła na tych, chto pakinuŭ tajnik dla jaho. Zatrymanymi akazalisia zusim maładyja ludzi: vučań 11‑ha kłasa adnoj z homielskich škoł i treciakurśnik miascovaha kaledža.
Padletki spakusilisia «lohkimi hrašyma» i stali zakładčykami. Mienavita jany zrabili apošniuju zakładku, na jakoj papaŭsia 41‑hadovy fihurant.
Zatrymali taksama jašče adnaho 36‑hadovaha pakupnika.
Zaraz usie čatyry fihuranty spravy znachodziacca pad vartaj. Im pahražajuć praciahłyja terminy źniavoleńnia.
Kamientary