Rubia zajaviŭ, što ZŠA źbirajucca kupić Hrenłandyju, a nie zabirać jaje siłaj
Dziaržsakratar ZŠA pasprabavaŭ źmiakčyć rytoryku paśla vajaŭničych zajaŭ Biełaha doma, piša The Wall Street Journal.
Na zakrytaj naradzie z kiraŭnictvam Kanhresa Marka Rubia zajaviŭ, što meta administracyi Trampa — kupić Hrenłandyju ŭ Danii, a nie zavajoŭvać jaje.
Pavodle źviestak The New York Times, Rubia raspavioŭ zakanadaŭcam, što Tramp daručyŭ raspracavać novy płan nabyćcia vostrava.
Zajavy Dziaržsakratara prahučali na fonie ŭsio bolš vajaŭničaj rytoryki administracyi Trampa. Pierad hetym pres-sakratarka Biełaha doma Kerałajn Levit u śpiecyjalnaj zajavie nie stała vyklučać prymianieńnie siły dla dałučeńnia Hrenłandyi.
«Prezident Tramp daŭ jasna zrazumieć, što nabyćcio Hrenłandyi źjaŭlajecca pryjarytetam nacyjanalnaj biaśpieki Złučanych Štataŭ i žyćciova važna dla strymlivańnia našych praciŭnikaŭ u Arktyčnym rehijonie.
Prezident i jaho kamanda abmiarkoŭvajuć šerah varyjantaŭ dla dasiahnieńnia hetaj važnaj źniešniepalityčnaj mety, i, viadoma, vykarystańnie ŭzbrojenych sił ZŠA zaŭsiody zastajecca varyjantam u rasparadžeńni hałoŭnakamandujučaha», — adznačyła Levit.
Tramp abmiarkoŭvaŭ kuplu Hrenłandyi jašče padčas svajho pieršaha terminu, ale ciapier jon staŭ bolš nastojlivym u žadańni zrabić hetuju terytoryju častkaj ZŠA. Členy NATA zajavili, što amierykanskaja ataka na Hrenłandyju — samakiravalny vostraŭ u składzie Danii — faktyčna aznačała b kaniec palityčna-vajennaha aljansu, jaki isnavaŭ dziesiacihodździami.
Śpiecpasłańnik Trampa ŭ Hrenłandyi: Havorka pra niezaležnaść vostrava, a nie pra anieksiju
Kiraŭniki krain ES i Brytanii: Vyklučna Danija i Hrenłandyja majuć prava vyrašać pytańni, što tyčacca Danii i Hrenłandyi
U Trampa admovilisia vyklučać varyjant vajennaha zachopu Hrenłandyi
Premjerka Danii zaklikała Trampa spynić «pahrozy» ŭ dačynieńni da Hrenłandyi
Žonka daradcy Trampa apublikavała kartu Hrenłandyi ŭ kolerach ściaha ZŠA
Tramp raskazaŭ, navošta jamu Hrenłandyja
Kamientary
Dobra budzie, kali sapraŭdnaj metaj Trampa źjaŭlajucca karysnyja vykapni Hrenlandyi.
Ale niešta mnie padkazvaje, što heta, chutčej, vykanańnie zadańnia Kramla pa źniščeńni błoka NATA.